استاناداعى كوپبالالى انالارعا 8-ناۋرىزعا وراي ءبىرجولعى تولەم بەرىلەدى
استانا. KAZINFORM - استانادا 8-ناۋرىز مەرەكەسىنە وراي 36 مىڭ ايەل ادامعا ءبىرجولعى الەۋمەتتىك تولەم بەرىلەدى.
8-ناۋرىز - حالىقارالىق ايەلدەر كۇنىنە وراي كوپبالالى وتباسىلارعا، كوپبالالى انالارعا، جالپى سانى 36 مىڭعا جۋىق ازاماتقا 2,5 ا ە ك (9830 تەڭگە) مولشەرىندە ءبىرجولعى الەۋمەتتىك كومەك بەرىلمەك.
«تولەم كوپبالالى وتباسىلارعا، كوپبالالى انالارعا، ونىڭ ىشىندە استانا قالاسىندا تىركەلگەن جانە تۇراقتى تۇراتىن الەۋمەتتىك از قامتىلعان انالارعا «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامىنىڭ الەۋمەتتىك تولەمدەر ورتالىعىنىڭ تىزىمدەرى نەگىزىندە بەرىلەدى»، - دەپ جازىلعان حابارلامادا.
ەسكە سالايىق، بۇعان دەيىن شىمكەنتتە 8-ناۋرىز قارساڭىندا ءبىر رەتتىك الەۋمەتتىك تولەم بەرىلەتىنى حابارلاندى.
مۇندا 8-ناۋرىز - حالىقارالىق ايەلدەر كۇنىنە وراي «التىن» جانە «كۇمىس» القا يەگەرلەرى، «باتىر انا» اتاعىن العان، 1-جانە 2-دارەجەلى «انا داڭقى» وردەندەرىمەن ناگرادتالعان انالارعا 5 ا ە ك مولشەرىندە ءبىر رەتتىك الەۋمەتتىك تولەم جاسالادى.
