استاناداعى جارمەڭكەدە 30 دان استام بوس جۇمىس ورنى اشىلدى

استانا. KAZINFORM - اشىق ەسىك كۇنى اياسىندا قازاقستان رەسپۋبليكاسى ونەركاسىپ جانە قۇرىلىس مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ «گوەسكپەرتيزا» ر م ك-دا بوس ورىندار جارمەڭكەسى ءوتتى.

جارمەڭكەنى «مەمساراپتاما» ر م ك باس ديرەكتورى تيمۋر قاراعويشين قۇتتىقتاۋ سوزىمەن اشتى. ول ءوز كەزەگىندە اتالعان ءىس-شارانىڭ ماقساتى ساراپشىلار لاۋازىمىنا كانديداتتاردى تۇراقتى جۇمىسقا ىرىكتەۋ جانە جۇمىسقا ورنالاستىرۋ، سونداي-اق كادرلىق رەزەرۆتى قالىپتاستىرۋ ەكەنىن اتاپ ءوتتى.

ءىس-شاراعا ەلوردالىق حالىقتى جۇمىسپەن قامتۋ ورتالىعىنىڭ وكىلدەرى دە قاتىستى. جارمەڭكە قاتىسۋشىلارىنا اشىق بوس لاۋازىمدارعا تۇراقتى جۇمىسقا ورنالاسۋدىڭ مۇمكىن نۇسقالارىمەن تانىسۋ ۇسىنىلدى.

بۇگىنگى تاڭدا كاسىپورىن وندىرىستىك ءبولىمنىڭ، سونداي-اق قالا قۇرىلىسى ساراپتاماسى جانە كونسترۋكتورلىق سەكتور بولىمدەرىنىڭ، ءادىسنامانىڭ، «سمەتالىق قۇجاتتاما»، «ينجەنەرلىك جەلىلەر مەن جۇيەلەر»، «ساۋلەت جانە باس جوسپار» بولىمدەرىنىڭ بىلىكتى ساراپشىلارىن ىزدەيدى.

ايتا كەتۋ كەرەك، بۇل بوس جۇمىس ورىندار «مەمساراپتاما» ر م ك ورتالىق اپپاراتىندا جانە كاسىپورىن فيليالدارىندا ۇسىنىلعان.

سونىمەن قاتار ءىس-شارا بارىسىندا قاتىسۋشىلارعا كاسىپورىننىڭ بيزنەس-پروتسەسى، كاسىپورىندا كوزدەلگەن الەۋمەتتىك كەپىلدىكتەر بەرىلدى. سونداي-اق ۇمىتكەرلەر ءۇشىن ەكسكۋرسيا جانە ۇيىمنىڭ قىزمەتىمەن تانىسۋ وتكىزىلدى.

اشىق بوس جۇمىس ورىندارى تۋرالى اقپاراتپەن تولىعىراق www.gosexpertiza.kz سايتىنا كىرۋ ارقىلى تانىسۋعا بولادى.

اۆتور
ابىلايحان جۇماشەۆ