استانادا وتەتىن دۇنيەجۇزىلىك كوشپەندىلەر ويىندارىنا قىرعىزستاننان 268 سپورتشى قاتىسادى

استانا. KAZINFORM- قىركۇيەك ايىندا استانادا وتەتىن V دۇنيەجۇزىلىك كوشپەندىلەر ويىندارىنا قىرعىزستاننان 268 سپورتشى قاتىسادى.

قىرعىز رەسپۋبليكاسى دەنە شىنىقتىرۋ جانە سپورت دەپارتامەنتى ديرەكتورىنىڭ ورىنباسارى سامات توكتونالييەۆتىڭ ايتۋىنشا، سپورتتىڭ 29 تۇرىنەن بارلىق جارىستارعا 268 سپورتشى قاتىسادى.

«مەنىڭ ويىمشا، قىرعىزستان بارلىق سپورت تۇرىنەن مەدال الادى»، - دەدى ول.

قىرعىزستان قۇراماسى ۇلتتىق كوكبورى ويىندارىنا قاتىسادى.

ەستەرىڭىزگە سالا كەتەيىك، 8-14-قىركۇيەك ارالىعىندا استانادا ۇلتتىق سپورت تۇرلەرىنەن الەمدىك ءىرى جارىستار وتەدى. قازاقستان استاناسى ەلىمىزدىڭ ايماقتارىنان جانە الەمنەن 100 مىڭعا جۋىق تۋريست قابىلداۋعا دايىندالىپ جاتىر.

بۇعان دەيىن V دۇنيەجۇزىلىك كوشپەندىلەر ويىندارىندا جالپى جۇلدە قورى 253 ميلليون تەڭگەنى قۇرايتىنى حابارلانعان بولاتىن. ولار ءار سپورت ءتۇرى بويىنشا جەكە بولادى. جەڭىمپاز كومانداعا 10 ميلليون تەڭگە، ەكىنشى ورىنعا 6 ميلليون تەڭگە، قولا جۇلدەگەرگە 4 ميلليون تەڭگە بەرىلەدى.

1-تامىزدا قىرعىزستان ۇلتتىق بانكى «دۇنيەجۇزىلىك كوشپەندىلەر ويىندارى» سەرياسىنىڭ «ات چابىش» جاڭا كۇمىس كوللەكتسيالىق مونەتاسىن اينالىمعا شىعاردى. 10 سومدىق مونەتا قازاقستانداعى V دۇنيەجۇزىلىك كوشپەندىلەر ويىندارىنا ارنالعان.