استانادا وقۋشى 4-قاباتتىڭ بالكونىندا سالاقتاپ تۇرعان 5 جاسار بالانى قۇتقارىپ قالدى

استانا. قازاقپارات - اقان ۋاقىت وزدىرماي بىردەن قيمىلداپ، بالكوندا ءىلىنىپ تۇرعان 5 جاسار بالانى قۇتقارىپ قالدى. ەلوردالىق تۇرعىن ءۇي كەشەندەرىنىڭ بىرىندە №31-مەكتەپ- گيمنازياسىنىڭ 7 «د»-سىنىپ وقۋشىسى اقان اكىمجانوۆ قايعىلى جاعدايدىڭ الدىن الدى، - دەپ حابارلايدى Aikyn.kz.

قالا اكىمدىگىنىڭ باسپا ءسوز قىزمەتىنەن ءمالىم ەتكەندەي، 20-مامىر كۇنى اقان اۋلادا ويناپ جۇرگەندە 4-قاباتتا بالكوندا سالاقتاپ تۇرعان بالانى بايقاپ قالعان. اقان ۋاقىت وزدىرماي بىردەن قيمىلداپ، بالكوندا ءىلىنىپ تۇرعان 5 جاسار بالانى قۇتقارىپ قالدى.

اقان اكىمجانوۆ - كوپبالالى وتباسىنان شىققان. ول ءوزىنىڭ وسىناۋ ارەكەتىن كىشكەنتاي بالانى كورگەندە ويلانباستان جاساعانىن ءارى ءوزىنىڭ دە ءىنى-قارىنداستارىنىڭ بار ەكەندىگىمەن ءتۇسىندىردى.