استانادا تۇرىكمەن اقىنى ماقتىمق ۇلى پىراعىنىڭ ەسكەرتكىشى اشىلدى

Астана
Фото: ҚР Парламентінің Сенаты

استانا. KAZINFORM - استانادا تۇرىكمەن حالقىنىڭ ۇلى ويشىلى، كورنەكتى اقىن ماقتىمق ۇلىعا ارنالعان ەسكەرتكىشتىڭ سالتاناتتى اشىلۋ ءراسىمى ءوتتى.

ءىس-شاراعا قازاقستان پارلامەنتى سەناتىنىڭ ءتوراعاسى ماۋلەن اشىمبايەۆ پەن تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ قاتىستى. بۇل تۋرالى ق ر پارلامەنتى سەناتىنىڭ باسپا ءسوز قىزمەتى مالىمدەدى.

ماۋلەن اشىمبايەۆ مەيماندارعا ءىلتيپات ءبىلدىرىپ، قازاقستان مەن تۇرىكمەنستان اراسىنداعى تەرەڭنەن تامىر تارتاتىن باۋىرلاستىق جانە دوستىق قارىم-قاتىناستىڭ ماڭىزى زور ەكەنىن ايتتى. سونداي- اق ول بۇگىنگى ءتيىمدى مەملەكەتارالىق ىنتىماقتاستىق ەكى ەلدىڭ باسشىلارى قاسىم-جومارت توقايەۆ پەن سەردار بەردىمۇحاممەدوۆتىڭ ءوزارا قۇرمەتكە نەگىزدەلگەن بايلانىسىنىڭ جانە حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆتىڭ بەلسەندىلىگىنىڭ ناتيجەسى ەكەنىنە نازار اۋداردى.

Махтумқули ҳайкали
Фото: ҚР Парламенти Сенати

«قازاقستان استاناسىندا ماقتىمق ۇلى ەسكەرتكىشىنىڭ اشىلۋى حالىقتارىمىزدى بايلانىستىراتىن رۋحاني ساباقتاستىقتىڭ جارقىن كورىنىسى ەكەنى انىق. الداعى ۋاقىتتا اشحابادتا قازاقتىڭ ۇلى ويشىلى جانە باس اقىنى ابايعا ارنالعان ەسكەرتكىش ورناتىلادى. بۇل ەكى وقيعا سيمۆوليكالىق مانگە يە»، - دەدى ماۋلەن اشىمبايەۆ.

سونىمەن قاتار سەنات سپيكەرى اباي مەن ماقتىمق ۇلىنىڭ فيلوسوفياسى، پوەزياسى، ايتار ويى مەن وسيەتى ۇندەس ەكەنىن تىلگە تيەك ەتتى. سونداي- اق ول ماقتىمق ۇلىنىڭ شىعارماشىلىعى تۇرىكمەن حالقىنىڭ دانالىعى مەن پاراساتىنا تابان تىرەيتىنىن، اقىننىڭ مۇراسى بۇكىل ادامزاتقا ورتاق يگىلىك ەكەنىن اتاپ ءوتتى. ماۋلەن اشىمبايەۆ استانادا ماقتىمق ۇلى ەسكەرتكىشىنىڭ اشىلۋى قازاقستان مەن تۇرىكمەنستان حالىقتارىنىڭ دوستىق بايلانىسىن ودان ءارى نىعايتۋعا تىڭ سەرپىن بەرەتىنىن دە ايتتى.

Очилиш маросими иштирокчилари
Фото: ҚР Парламенти Сенати

«فيلوسوفتىڭ عاجايىپ تۋىندىلارى مەن وسيەتتەرى 300 جىلدان بەرى تۋعان جۇرتىنىڭ اسقاق رۋحىمەن جانە جاسامپاز قۋاتىمەن بىرگە جاساپ كەلەدى. ماقتىمق ۇلىنىڭ شىعارمالارى تۇرىكمەننىڭ ءتول قۇندىلىقتارىنان ءنار الادى. شىن مانىندە، اقىننىڭ مۇراسى -ادامزاتتىڭ التىن قورىنا قوسىلعان قۇندى ەڭبەك جانە ورتالىق ازيا حالىقتارىنىڭ ورتاق قازىناسى»، - دەدى قازاقستان پارلامەنتى سەناتىنىڭ ءتوراعاسى.

سونداي-اق سالتاناتتى راسىمدە اقىننىڭ 300 جىلدىعى قازاقستاندا دا كەڭ كولەمدە اتالىپ ءوتىپ جاتقانى ايتىلدى. مەرەيتوي اياسىندا عىلىمي كونفەرەنتسيالار ۇيىمداستىرىلدى. ودان بولەك، قازاقستاننىڭ مادەنيەت جانە اقپارات مينيسترلىگى ماقتىمق ۇلى اتىنداعى حالىقارالىق سىيلىق تاعايىنداۋ تۋرالى باستاما كوتەردى.

Очилиш маросими иштирокчилар
Фото: ҚР Парламенти Сенати

استانادا اتالعان ەسكەرتكىشتىڭ اشىلۋى تۇرىكمەنستاننىڭ قازاقستانداعى مادەنيەت كۇندەرى مەن قازاقستاننىڭ تۇرىكمەنستانداعى مادەنيەت كۇندەرى اياسىندا وتكىزىلىپ وتىر. مۇنداي قادام ەكىجاقتى قارىم-قاتىناستاردى ودان ءارى نىعايتۋعا جانە قازاق- تۇرىكمەن حالىقتارىنىڭ رۋحاني بايلانىسىن ارتتىرۋعا وڭ اسەرىن تيگىزەتىنى ءسوزسىز. ايتا كەتەيىك، 2024 -جىل تۇركى الەمىندە ماقتىمق ۇلى پىراعى جىلى بولىپ جاريالاندى. ال، اقىننىڭ مەرەيتويى يۋنەسكو- نىڭ اتاۋلى داتالارىنىڭ تىزىمىنە قوسىلدى.

سوڭعى جاڭالىقتار