استانادا تۇماۋعا قارسى ۆاكسيناتسيا باستالدى

вакцина
Фото: Фото: Pixabay

 ەلوردادا تۇماۋعا قارسى ۆاكتسينا الۋ ماۋسىمى ءجۇرىپ جاتىر، دەپ حابارلايدى Kazinform ءتىلشىسى. 

«ۆيرۋستىق ينفەكسيالار تاراۋىنا بايلانىستى ازاماتتارعا تۇماۋعا قارسى ۆاكسينا الۋعا كەڭەس بەرەمىن. ۇيىمدار مەن كاسىپورىن باسشىلارى ەڭبەك ۇجىمىنىڭ يممۋندىق قاۋىپسىزدىگىن ۋاقىتىلى نازارعا الۋى كەرەك. سەبەبى تۇماۋدىڭ الدىن الۋدىڭ ەڭ ءتيىمدى ءادىسى - ۋاقتىلى ۆاكسيناتسيا. تۇماۋ ۆيرۋسى جىل سايىن مۋتاتسياعا ۇشىرايدى، سوندىقتان جىل سايىن ەپيدەميالىق ماۋسىمدا ۆاكسينا الۋ كەرەك»، - دەدى استانا قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى جاننا پىراليەۆا قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، تۇماۋعا قارسى ۆاكسينانى قالانىڭ كەز كەلگەن ەمحاناسىنان الۋعا بولادى. ەكپە حالىقتىڭ ءبىرقاتار ساناتىنا تەگىن.

«تۇماۋ اۋىر تۇردە جۇقسا اسقىنۋعا اپارادى. اتالعان اۋرۋدىڭ الدىن الۋ مەن ساقتانۋدا ۆاكسينا كومەكتەسەدى. تۇماۋدان نەلىكتەن قورقامىز؟ سەبەبى ول ورتالىق جۇيكە جۇيەسىمەن بىرگە اسقىنۋىمەن ءولىم جاعدايىنا الىپ كەلۋى مۇمكىن»، - دەيدى استانا مەديتسينا ۋنيۆەرسيتەتى بالالار جۇقپالى اۋرۋلارى كافەدراسىنىڭ دوتسەنتى بايان تۇردالينا.

سوڭعى جاڭالىقتار