استانادا «تازا قازاقستان» اكسياسىنا ارنالعان 40 مەترلىك الىپ مۇرال پايدا بولدى
استانا. KAZINFORM - سۋرەت سىعاناق كوشەسى، 1-ءۇيدىڭ قابىرعاسىنا سالىندى. ونىڭ بيىكتىگى - 40 مەتر جانە اۋدانى - 480 شارشى مەتر. بۇل جايىندا قالا اكىمدىگىنەن حابارلاندى.
مۇرالدا ۇلتتىق كيىمدەگى بالالار بەينەلەنگەن. كوشەتتى سۋارىپ تۇرعان بالالار ءوسۋ مەن وركەندەۋدى بەينەلەيدى.
كوك اسپاننىڭ فونىندا شاڭىراق پەن ۋىقتاردى جانە استانانىڭ كورنەكتى جەرلەرىمەن بەزەندىرىلگەن جاسىل پلانەتانى كورۋگە بولادى.
مۇرالدا «تازا قازاقستان - تازا بولاشاق» دەگەن جازۋ جازىلعان.
مۇرال وسى جىلدىڭ ءساۋىر ايىندا باستالعان «تازا قازاقستان» رەسپۋبليكالىق ەكواكتسياسىنىڭ اياسىندا سالىنعان.
وسى باستاما اياسىندا ەلوردادا ءتۇرلى ءىس-شارالار وتكىزىلىپ، وعان مىڭداعان استانالىقتار قاتىستى.
تۇرعىندار قالانى اباتتاندىرۋعا، اعاش وتىرعىزۋعا، وزەندەردى تازارتۋعا جانە رۇقسات ەتىلمەگەن پوليگونداردى جويۋعا بەلسەندى قاتىسىپ، الەۋمەتتىك باستامالارعا قولداۋ بەرۋدە.
