استانادا تاۋەلسىزدىك كۇنىنە وراي قانداي ءىس-شارالار وتەدى

  ەلوردادا تاۋەلسىزدىك كۇنىنە وراي ءتۇرلى مەرەكەلىك جانە رەسمي ءىس- شارالار، ونىڭ ىشىندە كورمەلەر، كونتسەرتتەر، سۋرەت بايقاۋلارى، تۋرنيرلەر مەن سپارتاكيادالار وتەدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.

13-15-جەلتوقساندا «جانسايا» ورتالىعىندا پاتريوتتىق اندەر، ولەڭدەر، سۋرەتتەر بايقاۋى، 14-16-جەلتوقساندا «بارىس- ارەنادا» جۇزۋدەن «ASTANA OPEN» اشىق رەسپۋبليكالىق تۋرنير وتەدى.

14-جەلتوقسان كۇنى ساعات 11.00 دە «الجير» مۇراجاي- مەموريالدىق كەشەنى «تاۋەلسىزدىك- تۇعىرىم» تاقىرىبىندا ءىس- شارا ۇيىمداستىرادى.

15-جەلتوقسان كۇنى ساعات 11.00 دە استانا مەملەكەتتىك ارحيۆىندە «تاۋەلسىزدىك جولىندا» ارحيۆتىك قۇجاتتارىنىڭ كورمەسى وتەدى. سونىمەن قاتار «نۇرلى جۇرەك» الەۋمەتتىك قىزمەت كورسەتۋ ورتالىعىندا مەرەكەلىك كونتسەرت كورسەتىلەدى.

15-جەلتوقسان كۇنى ساعات 10.00 دە «ارعىماق» ات-ساۋىقتىرۋ كەشەنىندە ات سپورتىنان جارىستار وتكىزىلەدى. ءدال وسى كۇنى ساعات 12.00 دە «استانا» س ك- دا مۇكىس سپورتشىلار اراسىندا شاعىن فۋتبولدان استانا قالاسىنىڭ اشىق كۋبوگى وتەدى.

15-جەلتوقساندا «Beeline Arena» سپورت كەشەنىندە العاش رەت «چەمپيوندار ءتۇنى» - «Astana Arlans» بوكستان تۋرنير باستالادى.

15-20-جەلتوقسان ارالىعىندا ۇلدار مەن قىزدار اراسىندا قول دوبىنان استانا كۋبوگى جانە ۇلدار اراسىندا گاندبولدان اشىق تۋرنير وتەدى.

16-جەلتوقسان كۇنى ساعات 14.00 دە قۋىرشاق تەاترى كورەرمەندەرگە س. ءجۇنىسوۆتىڭ «اتامەكەن» سپەكتاكلىن ۇسىنادى. سول كۇنى ساعات 18.00 دە. م. گوركي ساحناسىندا « ءاليا» سپەكتاكل- دراماسى باستالادى.

16-17-جەلتوقساندا ساداق اتۋدان استانا كۋبوگى بولادى.

17-جەلتوقساندا سارىارقا اۋدانىنىڭ تۇرعىندارى ءۇشىن دەنە شىنىقتىرۋ-ساۋىقتىرۋ كەشەنىندە (كوكتال 2, بارشىن كوشەسى، 30/2 ) سپارتاكيادا وتەدى.

ەستەرىڭىزگە سالا كەتەيىك، تاۋەلسىزدىك كۇنى مەرەكەسى قارساڭىندا ەلوردادا «10 يگى ءىس» ۇرانىمەن الەۋمەتتىك قايىرىمدىلىق شارالارى ءوتىپ جاتىر. باستى ماقسات - قالا مەن ونىڭ تۇرعىندارى ءۇشىن يگى ءىس جاساۋ.