استانادا ەسىرتكىگە قارسى اكسيا وتكىزىلدى
ەلوردانىڭ سارىارقا اۋدانىندا قالا تۇرعىندارى اراسىندا ناشاقورلىقتىڭ الدىن الۋ بويىنشا ءتۇسىندىرۋ جۇمىسى جۇرگىزىلدى.
اكسيا بارىسىندا ءوتىپ بارا جاتقان ادامدارعا ەسىرتكى زاتتارىن قولدانۋدىڭ زياندى اسەرى تۋرالى ەسكەرتەتىن اقپاراتتىق بۋكلەتتەر تاراتىلدى، دەپ حابارلايدى Kazinform استانا اكىمدىگىنىڭ رەسمي سايتىنە سىلتەمە جاساپ.
اكسيانى «استانا جاستارى» جاستار رەسۋرستىق ورتالىعى ۇيىمداستىردى.
ءىس-شارانىڭ ماقساتى- ديسپانسەرلىك ەسەپتە تۇرعان ەسىرتكىگە تاۋەلدى ادامداردىڭ، ونىڭ ىشىندە 14 جاستان 35 جاسقا دەيىنگى جاستاردىڭ سانىن ازايتۋ ءۇشىن الدىن الۋ شارالارى.
قالالىق پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسىنىڭ، جاستار ساياساتى ماسەلەلەرى باسقارماسىنىڭ وكىلدەرى، سارىارقا اۋدانى اكىمى اپپاراتىنىڭ جانە اۋداندىق پروكۋراتۋرانىڭ قىزمەتكەرلەرى «نيرۆانا» تۇنگى كلۋبىندا، «ستامبۋل» جانە «جاركىل» كافەلەرىندە ناشاقورلىقتىڭ الدىن الۋ بويىنشا ءتۇسىندىرۋ جۇمىسىن جۇرگىزدى.
NEET «استانا جاستارى «جاستار رەسۋرستىق ورتالىعى» ساناتىنداعى جاستارمەن جۇمىس ءبولىمىنىڭ باسشىسى ءالفارابي نۇركەن ۇلى اكتسيا «eSIRTKIGE JOL JOQ» جوباسى اياسىندا ءوتىپ جاتقانىن جانە جاستار اراسىندا ناشاقورلىقتىڭ الدىن الۋعا باعىتتالعانىن اتاپ ءوتتى.
«مۇنداي اكسيالار ۇنەمى وتكىزىلىپ تۇرادى جانە بيىل ءبىز 15 كە جۋىق ءىس-شارا ۇيىمداستىردىق. مۇندا قابىرعالاردى بوياۋ بويىنشا اكسيالار وتكىزىلدى، ۋنيۆەرسيتەتتەر، مەكتەپتەر مەن كوللەدجدەر بازاسىندا ءتۇسىندىرۋ جۇمىسى جۇرگىزىلدى. 20 دان استام ترەنينگ ءبىلىم بەرۋ مەكەمەلەرىندە كاسىبي پسيحولوگتەردىڭ، سونداي- اق قالالىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىنىڭ قاتىسۋىمەن ۇيىمداستىرىلدى. كەلەسى جىلى بارلىق اتقارۋشى ورگاندار مەن ۇكىمەتتىك ەمەس ۇيىمدار تارتىلاتىن جۇمىس توبىن قۇرۋ جوسپارلانىپ وتىر. ونىڭ قىزمەتى اياسىندا ناقتى جۇمىس كوزدەلەدى، ناتيجەسىندە كەمىندە 300 مىڭ جاس قامتىلادى»، - دەدى ول.
