استانادا سەي̆فتەن زەرگەرلىك بۇيىمدار ۇرلاعان قىز ۇستالدى
استانا. KAZINFORM - استانادا سەيفتەن زەرگەرلىك بۇيىمدار ۇرلاعان قىز ۇستالدى، - دەپ حابارلايدى Massaget.kz ءتىلشىسى.
پوليتسياعا قالا تۇرعىنى حابارلاسىپ، سەيفتەن التىن بۇيىمداردىڭ جوعالعانىن جەتكىزگەن. الماتى اۋدانى پوليتسيا باسقارماسى كريمينالدىق پوليتسيا ءبولىمىنىڭ قىزمەتكەرلەرى جەدەل ىزدەستىرۋ ءىس-شارالارى بارىسىندا ۇرلىققا جابىرلەنۋشىنىڭ تۋىسقانىنىڭ قاتىسى بار ەكەنىن انىقتاعان.
تەرگەۋ بارىسىندا 21 جاستاعى قىزدىڭ تۋىستارىنىڭ ۇيىندە ۋاقىتشا تۇرىپ جاتقانى جانە سەيفتىڭ كىلتتەرىنىڭ قايدا ورنالاسقانىن بىلەتىنى بەلگىلى بولدى. قوجايىندارىنىڭ جوقتىعىن پايدالانعان كۇدىكتى شامامەن 3 ميلليون تەڭگەنىڭ زەرگەرلىك بۇي̆ىمدارىن الىپ ءىزىن سۋىتقان. ول ۇرلانعان زاتتاردى لومباردقا تاپسىرىپ، باسقا قالاعا كەتىپ تە ۇلگەرگەن.
اتالعان فاكتى بوي̆ىنشا سوتقا دەيىنگى تەرگەۋ امالدارى جۇرگىزىلۋدە. ايعاقتى زاتتار الىندى. ونىڭ ەلوردادا بۇرىن جاسالعان وسىعان ۇقساس قىلمىستارعا قاتىستىلىعى تەكسەرىلۋدە.
