استانادا پەريزات قايراتتىڭ سوتى باستالدى

استانا. KAZINFORM - ەلوردادا ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى سوت وتىرىسى ءوتتى.

- بۇگىن الدىن الا سوت وتىرىسى ءوتتى، ءوتىنىشحاتتار قارالىپ جاتىر. سوت وتىرىستى اشىق نەمەسە جابىق فورماتتا وتكىزۋ ماسەلەسى بويىنشا كەڭەسۋ بولمەسىنە كەتتى، - دەگەن حابار الدىق استانا قالالىق سوتىنىڭ باسپا ءسوز قىزمەتىنەن.

سونداي-اق سوتتىڭ باسپا ءسوز قىزمەتى وتىرىس اياقتالعاننان كەيىن قوسىمشا اقپارات بەرىلەتىنىن مالىمدەدى.

ايتا كەتسەك، بيىل 30-ماۋسىمدا پەريزات قايراتتىڭ ءىسى سوتقا جىبەرىلدى.

ەسكە سالايىق، ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىلىپ جاتقانى 2024 -جىلى 14-قاراشادا بەلگىلى بولدى.

سونداي-اق جوعارعى سوت پەريزات قايراتتىڭ سوتىن تىكەلەي ەفيردەن كورسەتۋ ماسەلەسىن قاراستىرۋعا دايىن ەكەنىن حابارلادى.