استانادا ەرەكشە بالالارعا ارنالعان مەرەكەلىك كونسەرت ءوتتى

ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىندا «قوش كەلدىڭ جاڭا جىل» مەرەكەلىك كونسەرتى ءوتتى، دەپ حابارلادى Kazinform استانا قالاسى اكىمدىگىنىڭ سايتىنا سىلتەمە جاساپ.

مەرەكەلىك ءىس-شاراعا مۇمكىندىگى شەكتەۋلى بالالاردى تاربيەلەپ وتىرعان جانە الەۋمەتتىك تۇرعىدان از قامتىلعان وتباسىلار قاتىستى.

«جاڭا جىل قارساڭىندا ءبىزدىڭ ورتالىق ەرەكشە قاجەتتىلىگى بار بالالاردى جاڭا جىلدىق «ارىستان پاتشا» سپەكتاكلىن تاماشالاۋعا شاقىردى. ورتالىقتىڭ قىزمەتىن پايدالاناتىن 620 دان استام بالا تۋعاندارىمەن بىرگە بۇگىنگى ءىس-شاراعا قاتىستى. مۇنداي مەيرامدى ءبىز جىل سايىن اتاپ وتەمىز»، - دەدى استانا قالاسى اكىمدىگىنىڭ «جانسايا» الەۋمەتتىك قىزمەت كورسەتۋ ورتالىعىنىڭ جەتەكشىسى ايگۇل بەيسەنوۆا.

ەرتەگىلىك سپەكتاكلدەن كەيىن بالالار ونەرلەرىن كورسەتىپ، ءان ايتىپ، ءبي بيلەدى.

«كونسەرتتە قۋاندىق راقىمنىڭ «قازاقتىڭ ۇلىمىن» ءانىن ورىندادىم. بۇل كومپوزيتسيانى ءوزىم تاڭداپ، كوپ ۋاقىت دايىندالدىم»، - دەدى مەرەكەگە قاتىسقان بالالاردىڭ ءبىرى سايان تۇڭعىشيەۆ.

ايتا كەتەيىك، بۇعان دەيىن استانادا جاڭاجىلدىق وتشاشۋدى قاي جەردەن تاماشالاۋعا بولاتىنىن جازعان بولاتىنبىز.