استانادا «پرانك» جاساماق بولعان ازاماتتاردى پوليتسيا ۇستاپ اكەتتى

استانا. KAZINFORM - استانادا ازىلدەمەك بولعان جاستاردى پوليتسيا «قوعامدىق ءتارتىپتى بۇزدى» دەگەن ايىپپەن قاماۋعا الدى، دەپ حابارلايدى Polisia.kz.

миграционная полиция
فوتو: Polisia.kz

سايتاعى مالىمەتتەرگە قاراعاندا، ءبىر توپ جاس تۇرعىن ۇيلەردىڭ ليفتتەرىندە جانجال تۋىنداتادى، سول ۋاقىتتا قارۋعا ۇقساس زاتتى كورسەتكەن، وسىلايشا ولار وسى وقيعاعا كۋا بولعان ازاماتتاردى ۇرەيىن ۇشىرعان.

الەۋمەتتىك جەلىلەردە تارالعان بەينەجازبالاردىڭ بىرىندە ازامات گ. ا. مەن ونىڭ تانىسى جانجالداسىپ، ارتى توبەلەسكە ۇلاسقان.

ادەيى ۇيىمداستىرىلعان كورىنىس بارىسىندا گ. ا. تاپانشاعا ۇقساس زاتتى شىعارىپ، ليفتتە بولعان ادامدارعا قاراتىپ، ولارعا شىنايى قاۋىپ تونگەندەي اسەر قالدىرعان.

مۇنداي ارەكەتتەردىڭ سوڭى كوپشىلىك اراسىندا ۇرەي تۋدىرۋ، ادامداردىڭ دەنساۋلىق جاعدايىنىڭ قيىنداۋى، كۋاگەرلەر تاراپىنان اگرەسسيۆتى رەاكسيا تۋدىرۋى مۇمكىن.

اتالعان فاكتى بويىنشا وسى ارەكەتتى ۇيىمداستىرۋشى ۇستالىپ، پوليتسياعا جەتكىزىلدى.

وعان ۇساق بۇزاقىلىق فاكتىسى بويىنشا اكىمشىلىك ءىس قوزعالىپ، ۋاقىتشا ۇستاۋ يزولياتورىنا قامالدى. ءىس ماتەريالدارى سوتقا جولداندى.

- استانا قالاسىنىڭ پوليتسيا دەپارتامەنتى قوعامدىق ءتارتىپتى بۇزاتىن وسىنداي قۇقىقبۇزۋشىلىققا قايشى ارەكەتتەر قاتاڭ تۇردە توقتاتىلاتىنىن ەسكەرتەدى. ازاماتتاردى جاۋاپكەرشىلىككە، زاڭ تالاپتارىن ساقتاۋعا جانە كۇدىكتى جاعدايلار تۋرالى 102 ءنومىرى ارقىلى پوليتسياعا دەر كەزىندە حابارلاۋ كەرەكتىگىن ەسكەرتەمىز، - دەلىنگەن سايتتاعى حاباردا.

سوڭعى جاڭالىقتار