استانادا ەر ادام ءدامحانانىڭ ىشىندە ويران سالدى

 ءدامحانانىڭ اكىمشىسى پوليتسياعا بەلگىسىز ەر ادامنىڭ قوعامدىق ورىندا ويران سالعانى تۋرالى ارىز ءتۇسىردى. قازاقپارات بۇل تۋرالى استانا قالاسىنىڭ پوليتسيا دەپارتامەنتىنە سىلتەمە جاساپ حابارلايدى. 

қылмыс
Фото: Фото: Мухтар Холдорбеков/ҚазАқпарат

وقيعا تۇندە بولعان. بۇزاقى ءدامحانا ىشىنە كىرىپ، اينالاداعىنىڭ ءبارىن سەبەپسىز قيراتا باستاعان - ىدىس-اياق، ورىندىقتار مەن ۇستەلدەردى سىندىردى.

وقيعا ورنىنا كەلىپ جەتكەن پوليتسيا قىزمەتكەرلەرى ەر ادامدى پوليتسيا بولىمىنە جەتكىزدى.

قىلمىسكەردىڭ جەكە باسى انىقتالدى. ول 36 جاستاعى ەلوردا تۇرعىنى بولىپ شىقتى. مەديتسينالىق كۋالاندىرۋ قورىتىندىسىنا سايكەس، ول ورتاشا دارەجەدە ماس بولعان.

اتالعان فاكتى بويىنشا ق ر قىلمىستىق كودەكسىنىڭ 293-بابى «بۇزاقىلىق» بويىنشا سوتقا دەيىنگى تەرگەۋ امالدارى جۇرگىزىلۋدە.

ەر ادام استانا قالالىق پوليتسيا دەپارتامەنتىنىڭ ۋاقىتشا ۇستاۋ وقشاۋلاعىشىنا جەتكىزىلدى. ونىڭ ەلوردادا جاسالعان وسىعان ۇقساس باسقا دا قىلمىستارعا قاتىسى بار-جوعى انىقتالىپ جاتىر.

سوڭعى جاڭالىقتار