قويدى سۇيرەپ، استانانى ارالاپ جۇرگەن بلوگەر قاماۋعا الىندى
استانالىق بلوگەر ءبىرجان اۋباكىروۆ 5 تاۋلىككە قاماۋعا الىندى. ول قويدى سۇيرەپ، استانانى ارالاپ جۇرگەن. بلوگەردىڭ ءوزى ۆيدەونى Instagram-پاراقشاسىنا جاريالاعان.
«قويمەن قىدىردىم. 5 كۇنگە جاۋىپ تاستادى»، - دەپ جازدى بلوگەر. بۇل دەرەككە قاتىستى استانانىڭ پوليتسيا دەپارتامەنتى پىكىر ءبىلدىردى.
«2023 -جىلدىڭ 24-قازانىندا 25 جاستاعى استانالىق بلوگەر الەۋمەتتىك جەلىلەر ارقىلى جۇرتتىڭ نازارىن اۋدارعىسى كەلىپ، «ازيا پارك» ساۋدا ورتالىعىندا ءتىرى قويمەن قىدىرىپ، ءتىپتى قوعامدىق كولىكتى پايدالانباق بولعان.
بلوگەر ۇستالىپ، ق ر ا ق ب ت ك-نىڭ 434-بابى «ۇساق بۇزاقىلىق» بويىنشا اكىمشىلىك جاۋاپكەرشىلىككە تارتىلىپ، 5 تاۋلىككە اكىمشىلىك قاماۋعا الىندى. سونىمەن قاتار، ا ق ب ت ك-نىڭ 407-1-بابى جانۋارلارعا قاتىگەزدىك جاساعانى ءۇشىن جانە 434-2-بابى قوعامدىق ورىندى لاستاعانى ءۇشىن 5 ا ە ك كولەمىندە ايىپپۇل سالىندى»، - دەدى پ د وكىلدەرى.
Посмотреть эту публикацию в Instagram
Massaget.kz