استانادا قۇنى 20 ميلليون تەڭگەدەن اساتىن 4 توننا ناسىباي تاركىلەندى

насыбай
Фото: www.gov.kz

استانا. KAZINFORM - ەلوردانىڭ بارلىق اۋداندارىندا 18-ناۋرىزدان باستاپ ۆەيپ پەن ناسىبايدىڭ زاڭسىز تارالۋى مەن قولدانىلۋىن انىقتاۋ بويىنشا رەيدتەر جۇرگىزىلىپ جاتىر. پوليتسەيلەر اۋدان اكىمدىكتەرىنىڭ وكىلدەرىمەن بىرلەسىپ ساۋدا نۇكتەلەرىن تەكسەرىپ، تاراتۋشىلاردى اكىمشىلىك جاۋاپكەرشىلىككە تارتادى.

ەلوردا اكىمدىگى سايتىنىڭ حابارلاۋىنشا، رەيد باستالعاننان بەرى استانانىڭ بەس اۋدانىندا 800 دەن استام ساۋدا نۇكتەسى تەكسەرىلدى. پوليتسيا دەپارتامەنتىنىڭ قىزمەتكەرلەرى اۋدان اكىمدىكتەرىمەن بىرلەسىپ شەكپەيتىن تەمەكى ونىمدەرىن، ونىڭ ىشىندە ناسىباي ءوندىرىسى بويىنشا جەراستى سەحتارىن ساتۋدىڭ 150 دەن استام فاكتىسىن انىقتادى.

استانا بويىنشا قۇنى 20 ميلليون تەڭگەدەن اساتىن 4 توننا ناسىباي تاركىلەندى. اتالعان ونىمدەر جويىلدى.

الماتى اۋدانىنداعى رەيد بارىسىندا پوليتسەيلەر 57 فاكتىنى انىقتادى، ونىڭ ىشىندە:

- شەكپەيتىن تەمەكى ونىمدەرىن ساتۋدىڭ 42 فاكتىسى (ناسىباي) تىركەلدى. بارلىق فاكتىلەر بويىنشا 25 ا ە ك مولشەرىندە ايىپپۇل تۇرىندە اكىمشىلىك جازا قولدانىلىپ، ق ر ا ق ب ت ك- ءنىڭ 196-بابى بويىنشا اكىمشىلىك حاتتامالار جاسالدى.

- مەكەمەلەردە تەمەكى ونىمدەرىن (كاليان) تۇتىنۋدىڭ 14 فاكتىسى تىركەلدى. ق ر ا ق ب ت ك- ءنىڭ 441-بابى بويىنشا 15 ا ە ك مولشەرىندە ايىپپۇل تۇرىندە اكىمشىلىك جازا قولدانۋمەن اكىمشىلىك حاتتامالار تولتىرىلدى.

- جيىرما ءبىر جاسقا تولماعان ادامدارعا تەمەكى بۇيىمدارىن ساتۋ فاكتىسى تىركەلدى. ق ر ا ق ب ت ك- ءنىڭ 423-1-بابى بويىنشا 15 ا ە ك مولشەرىندە ايىپپۇل تۇرىندە اكىمشىلىك جازا قولدانىلىپ، اكىمشىلىك حاتتاما جاسالدى.

سارىارقا اۋدانىندا رەيد باستالعاننان بەرى 60 تان استام بۇزۋشىلىق انىقتالىپ، 30 كەلىگە جۋىق ناسىباي تاركىلەندى.

بايقوڭىر اۋدانىندا جەدەل-پروفيلاكتيكالىق ءىس-شارالار بارىسىندا 180 نەن استام ساۋدا نۇكتەلەرى تەكسەرىلىپ، شەكپەيتىن تەمەكى ونىمدەرىن ساتۋدىڭ 6 فاكتىسى انىقتالدى. پوليتسيا قىزمەتكەرلەرى كاسىپكەرلەرگە قاتىستى ق ر ا ق ب ت ك 196-بابى مەن 423-بابى 1-بولىگىنە سايكەس، 25 ا ە ك (92300 تەڭگە) سوماسىنا ايىپپۇل تۇرىندە اكىمشىلىك شارالار قابىلدادى.

ەستەرىڭىزگە سالا كەتەيىك، استانادا 4 توننا ناسىباي تاركىلەندى، ونىڭ قۇنى 20 ميلليون تەڭگەدەن اسادى. تاركىلەنگەن بارلىق ءونىم جويىلدى. ەلوردانىڭ ساۋدا نۇكتەلەرى بويىنشا رەيدتەر كۇن سايىن وتەدى.

مەملەكەت باسشىسى ۇلتتىق قۇرىلتايدىڭ III وتىرىسىندا ناسىباي وندىرۋشىلەرى مەن ديستريبيۋتورلارى ءۇشىن زاڭنامالىق شەكتەۋلەر قويۋدى تاپسىرعانىن اتاپ وتكەن ءجون. پرەزيدەنتتىڭ تاپسىرماسى اياسىندا استانانىڭ بارلىق ءبىلىم بەرۋ ۇيىمدارىندا ءتۇسىندىرۋ جۇمىستارى جۇرگىزىلۋدە. بارلىق مەكتەپتەردە «جامان ادەتتەر جانە ولاردىڭ دەنساۋلىققا اسەرى» تاقىرىبىندا سىنىپ ساعاتتارى وتكىزىلدى، تەحنيكالىق جانە كاسىپتىك ءبىلىم بەرۋ ۇيىمدارىندا ادام اعزاسىنا ناسىبايدىڭ زيانى تۋرالى ەگجەي-تەگجەيلى باياندالعان كۋراتورلىق ساعاتتار مەن دوڭگەلەك ۇستەلدەر وتكىزىلدى.

سوڭعى جاڭالىقتار