استانادا «قازاق تازى» تۇقىمىنا ارنالعان مونوپورودالىق كورمە ءوتتى
استانا. KAZINFORM - استانادا بارلىق تۇقىمداعى يتتەرگە ارنالعان «يشيمسكيە زوري - 2024» اتتى حالىقارالىق كورمە ءوتتى. كورمە اياسىندا قازاقستان كينولوگتار وداعى قازاق تازى تۇقىمدى يتتەردىڭ مونوپورودالىق كورمەسىن ۇيىمداستىردى. بۇل تۋرالى ق ر ەكولوگيا جانە تابيعي رەسۋرستار مينيسترلىگى مالىمدەدى.
كورمەنىڭ باستى وقيعاسى «قازاق تازى» تۇقىمىنداعى ۇزدىك ءيتتى تاڭداۋ بولدى، بۇل شارانىڭ ماڭىزدىلىعى مەن ەرەكشەلىگىن اتاپ كورسەتەدى. سونداي-اق، كورمە بارىسىندا تەكتى انىقتاماسى جوق يتتەردىڭ يەلەرى ولاردىڭ يتتەرىن تەكسەرىپ، ولشەتۋ مۇمكىندىگىنە يە بولدى. ناتيجەسىندە ولاردىڭ ءتورت اياقتارى دوستارى حالىقارالىق ۇلگىدەگى العاشقى (تىركەۋ) تەكتىلىك كۋالىگىن الۋعا ۇمىتتەنە الادى.
كورمەنىڭ ماقساتى قازاق تازى تۇقىمىن ناسيحاتتاۋ، بۇل تۇقىمنىڭ حالىقارالىق مويىندالۋىنا، سونداي-اق قازاقستاننىڭ ۇلتتىق مۇراسى مەن مادەنيەتىن ىلگەرىلەتۋگە ماڭىزدى قادام بولىپ سانالادى.
