استانادا قايىرىمدىلىق شىرشاسى ءوتتى

استانادا «جانۇيا» وتباسى ينستيتۋتىن قولداۋ ورتالىعىندا «قوش كەلدىڭ، جاڭا جىل!» اتتى قايىرىمدىلىق شىرشاسى ءوتتى، دەپ حابارلادى Kazinform ەلوردا اكىمدىگىنىڭ رەسمي سايتىنا سىلتەمە جاساپ.

جاڭا جىلدىق شىرشاعا 30 وتباسىدان كەلگەن 60 بالا قاتىستى. ولاردىڭ قاتارىندا مۇگەدەكتىگى بار، مۇمكىندىگى شەكتەۋلى بالالار بار.

ورتالىقتىڭ باسپا ءسوز قىزمەتىنىڭ وكىلى بايان جالماعانبەتوۆانىڭ ايتۋىنشا، ومىرلىك قيىن جاعدايدان شىققانشا وتباسىلارعا ورتالىق جاردەمدەسەدى.

جاڭا جىلدىق مەرەكەنى ۇيىمداستىرۋعا كونستيتۋتسيالىق سوت، «DOS ortopedia» ج ش س جانە «Amer events» قارجىلاي قولداۋ كورسەتكەن. ولارعا بالالارعا تاتتىلەر مەن سيرككە بيلەتتەر دايىنداعان. باستىسى ەرتەڭگىلىككە كەلگەن ءار بالاعا ۇيىمداستىرۋشىلار جاڭا جىل مەرەكەسىن سەزىندىرۋدى ماقسات ەتكەن. سونداي-اق ءىس-شارانىڭ ماقساتى - ءار قاتىسۋشىعا كوتەرىڭكى كوڭىل-كۇي سىيلاۋ.

«قۇرمەتتى، دەمەۋشىلەر. وسىنداي ءىس-شارانى ۇيىمداستىرۋعا ۇلەس قوسقاندارىڭىز ءۇشىن اتا-انالار اتىنان العىس بىلدىرەمىن. كەلە جاتقان جاڭا جىل قۇتتى بولسىن! سىزدەرگە زور دەنساۋلىق پەن جۇمىستارىڭىزعا تولاعاي تابىس تىلەيمىن!» - دەدى ەرتەڭگىلىككە قاتىسقان بالانىڭ اتا-اناسى.

ايتا كەتەيىك، جىل سوڭىنا دەيىن «جانۇيا» ورتالىعى تاعى دا وسىنداي بىرنەشە جاڭا جىلدىق ەرتەڭگىلىك ۇيىمداستىرۋدى جوسپارلاپ وتىر.