استانادا قايتالاما نارىقتاعى تۇرعىن ءۇي باعاسى التى جىلدا العاش رەت ارزاندادى

ەلوردادا قايتالاما نارىقتاعى تۇرعىن ءۇي باعاسى 2023-جىلدىڭ قاڭتار-جەلتوقسان ارالىعىنداعى جىلدىق كورسەتكىش بويىنشا %5,3 كە تومەندەدى، دەپ حابارلايدى Kazinform اگەنتتىگى.

ءبىرىنشى كرەديتتىك بيۋرو Telegram-ارناسىنىڭ حابارلاۋىنشا، وسى كەزەڭ قورىتىندىسى بويىنشا باعانىڭ تومەندەۋى 2017-جىلدان بەرى العاش رەت تىركەلىپ وتىر. وعان ق ر ستراتەگيالىق جوسپارلاۋ جانە رەفورمالار اگەنتتىگى ءبىرىنشى كرەديتتىك بيۋرو دەرەكتەرى دالەل.

2023-جىل قورىتىندىسى بويىنشا قايتالاما نارىق باعاسى تومەندەگەن جالعىز قالا - استانا بولىپ شىقتى. جەلتوقساندا باعا %7,8 كە تومەندەدى، ءبىراق وتكەن كەزەڭدەردە باعا وسكەندىكتەن بىرنەشە جىل بۇرىنعى كورسەتكىشتەن جوعارى بولىپ تۇر. ماسەلەن، 2020-جىلعى جەلتوقسانمەن سالىستىرعانداعى ءوسىم - %50.

12 ايدىڭ قورىتىندىسى بويىنشا ءبىرىنشى نارىقتاعى ءۇي %6,7 كە، جەلتوقساندا جىلىنا %3,4 كە قىمباتتادى.

ەكىنشى نارىقتاعى ءۇي جالپى %1,8 كە، 2022-جىلعى جەلتوقسانمەن سالىستىرعاندا %3,7 كە ارزاندادى. ايتپاقشى، كەيىنگى ايدا وتكەن جىلمەن سالىستىرعاندا الماتىدا دا باعا تومەندەگەنى بايقالعان (%3,8-).

2023-جىلعى قاڭتار-جەلتوقسان ايلارىنداعى جالعا الۋ باعاسى وتكەن جىلمەن سالىستىرعاندا %16,4 كە قىمباتتادى، ال جىلدىق كورسەتكىشتە باعا %1,6 كە ءوستى.