استانادا قارتتار مەن بالالاردى ازاپتاعان مەدۋنيۆەرسيتەت ستۋدەنتى سوتتالدى

сот
Фото: Фото: Pexels

استانادا حوسپيستەگى قارتتار مەن مۇگەدەك بالالاردى قورلاعان مەديتسينالىق ستۋدەنتكە ۇكىم شىقتى، دەپ حابارلايدى Kazinform.

«جىلقىباي ۇلى قىلمىستىق كودەكستىڭ 110-بابى 2-بولىگى 1-جانە 2-تارماقتارى بويىنشا قىلمىس جاساعانى ءۇشىن كىنالى دەپ تانىلسىن جانە وعان 4 جىل 8 ايعا باس بوستاندىعىنان ايىرۋ جازاسى تاعايىندالسىن. جازاسىن قاۋىپسىزدىگى ورتاشا مەكەمەدە وتەسىن. جىلقىباي ۇلىنا قاتىستى بۇلتارتپاۋ شاراسى وزگەرتىلسىن، دەرەۋ قاماۋعا الىنسىن»،-دەدى سۋديا باعلان ىدىرىسوۆ ۇكىمدى وقي وتىرىپ.

ازاماتتىق ارىز ءىشىنارا قاناعاتتاندىرىلدى.

اتاپ ايتقاندا، سوت جىلقىباي ۇلىنان د- نىڭ پايداسىنا (جابىرلەنۋشىنىڭ وكىلى) - 2 ميلليون تەڭگە، ق-نىڭ پايداسىنا (جابىرلەنۋشىنىڭ وكىلى) - 2 ميلليون تەڭگە ءوندىرىپ الۋ جونىندە قاۋلى شىعاردى.

ەسكە سالا كەتسەك، بيىل شىلدەدە استانالىق مەديتسينا ۋنيۆەرسيتەتىندە وقيتىن ستۋدەنت پاتسيەنتتەر (قارتتار) مەن مۇگەدەك بالالاردى قورلاعانىن حابارلاعان ەدىك.

بۇل تۋرالى بالا قۇقىقتارى جونىندەگى ۋاكىل دينارا زاكيەۆا ءمالىم ەتكەن ەدى.

سوڭعى جاڭالىقتار