استانادا ۇ ق ش ۇ جارعىلىق ورگاندارىنىڭ بىرلەسكەن وتىرىسى ءوتتى
استانا. KAZINFORM - شارا بارىسىندا 1941-1945 -جىلدارداعى ۇلى وتان سوعىسىنداعى جەڭىستىڭ 80 جىلدىعىنا بايلانىستى مالىمدەمە جاريالانىپ، بىرلەسكەن مەرەيتويلىق ءىس- شارالار جوسپارىنا قول قويىلدى، دەپ حابارلايدى قورعانىس مينيسترلىگى.
حالىقارالىق جانە وڭىرلىك كۇن تارتىبىندەگى وزەكتى ماسەلەلەر سىرتقى ىستەر مينيسترلەرى كەڭەسىنىڭ، قورعانىس مينيسترلەرى كەڭەسىنىڭ، قاۋىپسىزدىك كەڭەستەرى حاتشىلارى كوميتەتىنىڭ بىرلەسكەن وتىرىسى جانە ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى شەڭبەرىندە قارالدى.
ءىس- شارالارعا بەلارۋس، قازاقستان، قىرعىزستان، رەسەي جانە تاجىكستاننىڭ سىرتقى ساياسي جانە قورعانىس ۆەدومستۆولارىنىڭ باسشىلارى، قاۋىپسىزدىك كەڭەستەرىنىڭ حاتشىلارى جانە ۇ ق ش ۇ باس حاتشىسى يمانعالي تاسماعامبەتوۆ، ۇيىمنىڭ بىرىككەن شتابىنىڭ باستىعى اندرەي سەرديۋكوۆ قاتىستى.
تاراپتار وڭىرلەردەگى اسكەري- ساياسي احۋالدىڭ اسپەكتىلەرىن، ۇجىمدىق قاۋىپسىزدىك جۇيەسىن ودان ءارى دامىتۋ پەرسپەكتيۆالارىن تالقىلاپ، ۇقشۇ شەڭبەرىندەگى ىنتىماقتاستىقتى قورىتىندىلادى.
1941-1945 -جىلدارداعى ۇلى وتان سوعىسىنداعى جەڭىستىڭ 80 جىلدىعىنا بايلانىستى مالىمدەمە جاريالانىپ، بىرلەسكەن مەرەيتويلىق ءىس- شارالار جوسپارىنا قول قويىلدى.
2025 -جىلى قىرعىزستاننىڭ ۇ ق ش ۇ- عا ءتوراعالىق ەتۋىنىڭ باسىمدىقتارى تۋرالى كەزدەسۋگە قاتىسۋشىلاردى وسى ەلدىڭ سىرتقى ىستەر ءمينيسترى حاباردار ەتتى.
بىرلەسكەن وتىرىستاردىڭ قورىتىندىسى بويىنشا ءبىرقاتار قۇجاتتارعا قول قويىلدى.
