استانادا مۇز استىنا قۇلاعان بالانى كەزدەيسوق ادام قۇتقارىپ قالدى
الەۋمەتتىك جەلىدە استانادا مۇز استىنا قۇلاعان جاس ءوسپىرىمدى قۇتقارۋ تۋرالى ۆيدەو پايدا بولدى. بالا اق بۇلاق وزەنىنە باتىپ كەتە جازداعان، دەپ حابارلايدى Kazinform اگەنتتىگى.
قالالىق ينتەرنەت-پاراقشا 2006 -جىلى تۋعان بالانىڭ قۇتقارىلعانى تۋرالى بەينەروليك جاريالادى.
«كەزدەيسوق وتكەن ادامداردىڭ، اسىرەسە وسى جىگىتتىڭ ارقاسىندا ءبارى جاقسى اياقتالدى. ول ويلانباستان ارقاندى وزىنە بايلاپ، قۇتقارۋعا كومەكتەستى. بالانىڭ مۇز استىنا قالاي تۇسكەنى بەلگىسىز، كۋاگەرلەردىڭ ايتۋىنشا، تەلەفونمەن سويلەسىپ، مۇز ۇستىندە جۇرگەن»، - دەپ جازىلعان پاراقشادا.
قالالىق ت ج دەپارتامەنتى بايقوڭىر اۋدانىندا اممان كوشەسى بويىنداعى اقبۇلاق وزەنىندە بولعان وقيعانى راستادى.
«قۇتقارۋشىلار كەلگەنشە سۋعا باتقان جاس ءوسپىرىمدى كەزدەيسوق ءوتىپ بارا جاتقان ەر ادام قۇتقاردى. ول جاس ءوسپىرىمدى سۋدان جاعاعا شىعارىپ، جەدەل جاردەم بريگاداسىنا تاپسىرعان، وندا بالاعا العاشقى مەديتسينالىق كومەك كورسەتىلدى. قازىرگى ۋاقىتتا جاس ءوسپىرىم №2-بالالار اۋرۋحاناسىندا جاتىر. باقىتىمىزعا وراي، ول قۇتقارىلدى، ءبىراق قايعىلى جاعدايدان ەشكىم قورعالماعان»، - دەپ حابارلادى دەپارتامەنت.
سونىمەن بىرگە، دەپارتامەنت قاراشا مەن جەلتوقسان ايلارىندا كۇزگى مۇزدىڭ قاۋىپتى بولاتىنىن دا ەسكەرتتى.
«قۇرمەتتى تۇرعىندار، ءوز قاۋىپسىزدىگىڭىز ءۇشىن جۇقا مۇزعا شىعۋعا تىيىم سالىنعانىن ۇمىتپاڭىز. مۇزدا بالىق اۋلاۋدى ۇناتاتىندار مىندەتتى تۇردە قۇتقارۋ كەۋدەشەسىن كيۋى كەرەك. قالىڭدىعى كەمىندە 10 سانتيمەتر بولاتىن مۇز ادامدارعا قاۋىپسىز بولىپ سانالادى. سۋ تەز اعاتىن جەرلەردە، اعىندى سۋلاردا، سونداي-اق سۋ وسىمدىكتەرى وسەتىن جەرلەردە، اعاشتار مەن قامىستىڭ جانىندا مۇز وتە ءالسىز بولادى. ەگەر اۋا تەمپەراتۋراسى 0 گرادۋستان جوعارى بولسا، بۇل اۋا رايى ءۇش كۇننەن ارتىق ساقتالسا، مۇز بەرىكتىگى %25 تومەندەيدى. توتەنشە جاعداي تۋىنداعان جاعدايدا 112 نومىرىنە قوڭىراۋ شالىڭىز» - دەلىنگەن حابارلامادا.
Посмотреть эту публикацию в Instagram
اۆتور
ايجان سەرىكجان قىزى
