استانادا ماسا مەن شىبىن-شىركەيگە قارسى وڭدەۋدىڭ ءۇشىنشى كەزەڭى باستالدى

Маса улау
Фото: Астана қаласының әкімдігі

استانا. KAZINFORM - ماۋسىمنىڭ 18 ىنەن باستاپ «ستوليچنايا دەزينفەكتسيا» ج ش س اشىق ستاتسيالاردى - ساياباقتاردى، سكۆەرلەردى، كوشەلەردى، تۇرعىن الاپتاردى وڭدەۋدىڭ ءۇشىنشى كەزەڭىن باستادى.

بۇل تۋرالى استانا اكىمدىگىنىڭ رەسمي سايتى جازدى.

«دەزينفەكسيالىق شارالار تولىق جويۋعا ەمەس، تىتىركەندىرگىش جاندىكتەردىڭ سانىن ازايتۋعا باعىتتالعان، ويتكەنى ولار تابيعي ەكوجۇيەنىڭ اجىراماس بولىگى بولىپ سانالادى. بۇگىندە قالادا تۇنگى ۋاقىتتا ساعات 21.00 دەن 04.00 گە دەيىن جۇرگىزىلەتىن اۋقىمدى دەزينسەكتسيالىق جۇمىستار جالعاسىپ جاتىر»، - دەلىنگەن حابارلامادا.

تۇرعىنداردىڭ جايلى دەمالىسى مەن ۋاقىتىن وتكىزۋ ءۇشىن ادامدار كوپ جينالاتىن ورىندارعا، ياعني ساياباقتار مەن جاعالاۋلارعا ەرەكشە نازار اۋدارىلادى.

دەزينفەكسيالىق شارالار كەزىندە ساقتىق شارالارىن ساقتاۋ ماڭىزدى:

- وڭدەلەتىن جەرگە بارۋدى شەكتەۋ؛

- وڭدەۋ كەزىندە تەرەزەلەردى جابىڭىز.

قان سوراتىن جاندىكتەردىڭ سانىن انىقتاۋ جانە ازايتۋ جۇمىستارى باقىلاۋدا جانە عىلىمي توپ پەن سانيتارلىق-ەپيدەميولوگيالىق باقىلاۋدىڭ كەستەلەرى مەن ۇسىنىستارىنا سايكەس جالعاسادى.

ايتا كەتۋ كەرەك، كىرەبەرىستەر مەن جەرتولەلەردى وڭدەۋدى پ ي ك جانە م ي ب جۇرگىزۋى ءتيىس.

سوڭعى جاڭالىقتار