استانادا ماسا-شىركەيگە قارسى دەزينفەكسيالىق جۇمىستار جۇرگىزىلىپ جاتىر

Маса улау
Фото: Астана қаласының әкімдігі

 استانا. KAZINFORM - ەلوردادا ماسا- شىركەيلەردىڭ تارالۋىنا قارسى دەزينفەكسيالىق جۇمىستار ساۋىردەن قىركۇيەككە دەيىن اي سايىن 15 كۇن ىشىندە التى كەزەڭدە جۇزەگە اسىرىلادى.

جۇمىستارعا 100 گە جۋىق ادام، بۇركۋ بويىنشا ارنايى كولىك، تەرموگەنەراتورلار تارتىلادى. اگروۋنيۆەرسيتەتپەن بىرلەسىپ، عىلىمي قىزمەتكەرلەردەن ماسالاردىڭ تۇرلەرىن زەرتتەۋ جانە ولاردىڭ كوبەيۋى، قاجەتتى جۇمىستاردى قۇرۋ جونىندەگى شتاب قۇرىلدى، دەپ جازدى استانا اكىمدىگىنىڭ رەسمي سايتى.

«ستوليچنايا دەزينفەكسيا» ج ش س قالا ورتالىعىنان اشىق ستانتسيالاردى - ساياباقتاردى، سكۆەرلەردى، كوشەلەردى، تۇرعىن الاپتاردى وڭدەۋدىڭ ءۇشىنشى كەزەڭىن اياقتادى. قازىر جاپپاي ءوسۋدىڭ الدىن الۋ ماقساتىندا تاياز سۋ قويمالارى مەن سۋلى- باتپاقتى جەرلەردى ماسالاردىڭ دەرناسىلدىك فورماسىنا قارسى وڭدەۋ جۇرگىزىلىپ جاتىر.

دەزينفەكسيالىق شارالار جاندىكتەردىڭ سانىن ازايتۋعا باعىتتالعان. ويتكەنى ولار تابيعي ەكوجۇيەنىڭ اجىراماس بولىگى بولىپ سانالادى. قازىرگى ۋاقىتتا بۇكىل قالا بويىنشا، سونىڭ ىشىندە بارلىق ساياباقتار مەن جاعالاۋلاردا بارلىق قاجەتتى دەزينفەكسيالىق جۇمىس جۇرگىزىلىپ جاتىر.

تۇرعىنداردىڭ جايلى دەمالۋى ءۇشىن دەزينفەكسيالىق جۇمىستار تۇنگى ۋاقىتتا ساعات 21.00 دەن 04.00 گە دەيىن جۇرگىزىلەدى. ادامدار كوپ جينالاتىن ورىندارعا، ياعني ساياباقتار مەن جاعالاۋلارعا ەرەكشە نازار اۋدارىلادى.

ماسالاردى ۋلاۋ كەزىندە ساقتىق شارالارىن ساقتاۋ ماڭىزدى.

- دەزينفەكسيالىق ايماققا بارۋدى شەكتەۋ؛

- دەزينفەكسيا كەزىندە تەرەزەلەردى جابىڭىز.

قان سوراتىن جاندىكتەردىڭ سانىن انىقتاۋ جانە ازايتۋ جونىندەگى جۇمىستار باقىلاۋدا جانە عىلىمي توپتىڭ، سانەپيدباقىلاۋدىڭ بەكىتىلگەن كەستەلەرى مەن ۇسىنىمدارىنا سايكەس جالعاسىپ جاتىر.

سوڭعى جاڭالىقتار