استانادا ل ر ت-نىڭ العاشقى دايىن ستانساسى كورسەتىلدى

استانا. قازاقپارات - CTS كولىك كومپانياسى استانا حالىقارالىق اۋەجايى ماڭىندا قابانباي باتىر داڭعىلى بويىندا ورنالاسقان LRT ستانسالارىنىڭ ءبىرىن كورسەتتى.

«City Transportation Systems» ج ش س باسپا ءسوز قىزمەتىنىڭ حابارلاۋىنشا، № 101 جوبالىق اتاۋىمەن بەلگىلى ستانساسىندا ارلەندىرۋ جۇمىستارىنىڭ بارلىعى اياقتالدى. سونداي-اق مەتالل كونسترۋكسيالار مونتاجدالىپ (497,51 توننا)، سىرتى ارنايى ماتەريالدارمەن قاپتالدى (4765 M²).

LRT-نىڭ بولاشاق ستانساسى ەسكالاتورلارمەن، ليفتتەرمەن جولاۋشىلار ءۇشىن ىڭعايلى ينتەراكتيۆتى ەكراندارمەن جابدىقتالعان.

LRT جەلىسى جەردەگى (11 ستانسا) جانە جەرۇستى (جەتى ستانسا) بولىپ بولىنەتىن ەكى دەڭگەيلى زالدارى مەن پلاتفورمالارى بار 18 ستانسادان تۇرادى.

كومپانيانىڭ باسپا ءسوز قىزمەتى سىعاناق (ەكى ستانسا)، قالدىاياقوۆ (ءتورت ستانسا) كوشەلەرىندە جانە «نۇرلى جول» تەمىرجول ۆوكزالى اۋدانىندا (ءبىر ستانسا) ورنالاسقان ستانسالاردى جول ورتاسىنا قاراي ورنالاسۋى ەرەكشەلەندىرىپ تۇرعانىن جەتكىزدى. ولارعا جەتۋ قاۋىپسىز بولۋى ءۇشىن جەتى ستانسانىڭ ءارقايسىسىنا ەكىدەن جەرۇستى وتكەلدەرىن سالۋ قاراستىرىلعان.

ستانسالاردىڭ بارلىعىن 2025 -جىلدىڭ سوڭىنا دەيىن سالۋ جوسپارلانعان جانە وعان كىرەتىندەر:

نىساننىڭ اينالاسىن مونتاجداۋ،

جەرۇستى وتكەلدەرىن سالۋ،

ىشكى ارلەۋ جۇمىستارى،

جاقىن ايماقتى كوگەرىشتەندىرۋ،

وسىعان دەيىن LRT قۇرىلىسىنا العاشقى رەلس توسەلگەنى تۋرالى جازدىق.