استانادا كەزەكتى قالالىق اۋىل شارۋاشىلىعى جارمەڭكەسى وتەدى

استانا. KAZINFORM — استانادا 11-12-قاڭتاردا كەزەكتى قالالىق اۋىل شارۋاشىلىعى جارمەڭكەسى وتەدى، دەپ حابارلايدى ەلوردا اكىمدىگىنىڭ رەسمي سايتى.

جارمەڭكەدە قازاقستاننىڭ ءتۇرلى وڭىرلەرىنەن — اقمولا، اباي، شىعىس قازاقستان جانە قىزىلوردا وبلىستارىنان جەرگىلىكتى فەرمەرلەر مەن وندىرۋشىلەردىڭ ونىمدەرى تىكەلەي ۇسىنىلاتىن بولادى. قالا تۇرعىندارى مەن قوناقتارى كوكونىستەر مەن جەمىستەردى، ەت، ۇن، ءسۇت ونىمدەرىن، كونديتەرلىك ونىمدەردى، تابيعي شىرىنداردى جانە ت. ب. ساتىپ الا الادى.

ءىس-شارا نۇرعيسا تىلەنديەۆ داڭعىلى، 12ا مەكەنجايى بويىنشا «Koktal» ساۋدا-ويىن-ساۋىق ورتالىعىندا وتەدى.

جارمەڭكە ءار دەمالىس كۇندەرى ساعات 10:00 دەن 22:00 گە دەيىن جۇمىس ىستەيدى.

وسىعان دەيىن جەلتوقساندا ەلىمىز بويىنشا 400 دەن استام جارمەڭكە ۇيىمداستىرىلعانىن حابارلادىق.