استانادا كولىك ايالداماعا سوعىلدى: اۋرۋحاناعا 8 ادام جەتكىزىلدى
استانا قالالىق دەنساۋلىق ساقتاۋ باسقارماسىنىڭ باسپا ءسوز قىزمەتى ايالدامالاردىڭ بىرىنە كولىكتىڭ سوعىلۋىنان زارداپ شەككەندەردىڭ جاعدايى تۋرالى ايتتى، دەپ حابارلايدى قازاقپارات ءتىلشىسى.
«29- قىركۇيەك كۇنى 1№ كوپسالالى قالالىق اۋرۋحاناعا جەدەل جاردەم جەلىسى بويىنشا 7 ادام وقيعا ورنىنان جەتكىزىلدى. كەشەندى قاراۋ مەن ماماندار القاسىنىڭ قورىتىندىسىنان كەيىن 2 ادام جاراقاتتار مەن پروتەزدەۋ بولىمىنە جاتقىزىلدى. 5 ناۋقاس امبۋلاتورلىق ەمگە جولداندى. ولار وزدەرى تىركەلگەن اۋرۋحانانىڭ باقىلاۋىندا بولادى»، - دەدى باسقارمادان.
جاراقات العانداردىڭ اراسىندا 5 جاسار قىز بار.
«سونداي-اق جەدەل جاردەم جەلىسى ارقىلى 2№ كوپسالالى قالالىق بالالار اۋرۋحاناسىنا 2018-جىلى تۋعان قىز بالا وقيعا ورنىنان جەتكىزىلدى. ونى تراۆموتولوگ، نەيروحيرۋرگ، جاق سۇيەگى مەن بەتكە ماماندانعان حيرۋرگ قارادى. رەنتگەنوگرافياعا ءتۇسىرىلىپ، ميعا كومپيۋتەرلىك توموگرافيا جاسالدى. جاراقاتى گيپسپەن تاڭىلىپ، امبۋلاتورلىق ەمگە جولداندى»، - دەپ ناقتىلادى ۆەدومستۆونىڭ باسپا ءسوز قىزمەتىنەن.
بۇعان دەيىن حابارلاعانىمىزداي، بۇگىن ساعات 08.31 دە «Mercedes-Benz» اۆتوكولىگى ا. بايتۇرسىن ۇلى كوشەسىمەن ت. جۇرگەنوۆ كوشەسىنە قاراي كەلە جاتىپ، جولاق اۋىستىرار كەزدە ءوز بەتىمەن كەتىپ بارا جاتقان «Mazda» كولىگىنە اپات جاعدايىن تۋىنداتقان. سالدارىنان «Mazda» جۇرگىزۋشىسى تىزگىنگە يە بولا الماي قالىپ، ايالداماعا سوعىلعان.
Посмотреть эту публикацию в Instagram
