استانادا كوشە تەاترىنىڭ فەستيۆالى باستالدى
استانا. قازاقپارات - 5-7-شىلدە كۇندەرى ەلوردادا استانا كۇنىنە ارنالعان «تەاترالدى ەۋرازيا» حالىقارالىق تەاتر فەستيۆالى وتەدى.
فەستيۆالدىڭ شىمىلدىعى «21-عاسىر تەاترى: زامان تالابى» اتتى پلەنارلىق وتىرىسپەن اشىلدى.
ال نەگىزگى بولىگى سەنبى مەن جەكسەنبىگە جوسپارلانعان.
بايقاۋعا استانا قالاسىنىڭ اكىمدىگى مەن «مير جانە گارمونيا» قورى مۇرىندىق بولىپ وتىر.
اتالعان قوردىڭ جەتەكشىسى ەلميرا شەرباكوۆا فەستيۆال مادەنيەت جانە اقپارات مينيسترلىگىنىڭ قولداۋىمەن ءوتىپ جاتقانىن ايتتى.
«كوشە تەاترىنىڭ، كوشەدەگى ونەردىڭ مۋىزكانىڭ فەستيۆالدەرىن وتكىزۋ تاجىريبەسى بىزدە بۇرىن دا بولعان. ەكى جىل قاتارىنان تەاترالدى بيەننالە ۇيىمداستىرعانبىز. ءبىراق فەستيۆالدى فورۋممەن ۇيلەستىرىپ، قىزىقتى شەبەرلىك ساعاتتارىن وتكىزۋ بۇرىن بولماعان»، - دەيدى ەلميرا شەرباكوۆا.
6-7-شىلدە كۇندەرى ورتالىق ساياباقتا وتەتىن فەستيۆالدە قازاقستان، رەسەي، پولشا، ەستونيا جانە باسقا دا ەلدەردىڭ تەاترلاندىرىلعان كوشە قويىلىمدارى ۇسىنىلادى.
بايقاۋعا «اسپەكتر»، «سولۋ»، «چەرنىي كۆادرات»، «ميميكريا»، «Vokrug»، «كوروليەۆسكي جيراف» تەاترلارى، استانا قالاسى اكىمدىگىنىڭ قۋىرشاق تەاترى، مۇرات مۇتىرعانوۆ تەاترى سياقتى ۇجىمدار قاتىسادى.
