استانادا ەكسترەميستىك توپ مۇشەلەرى ۇستالدى
استانا. قازاقپارات - 22 - قاڭتاردا ۇلتتىق قاۋىپسىزدىك كوميتەتى استانادا جانە اقمولا وبلىسىنىڭ قوسشى قالاسىندا پروكۋراتۋرا ورگاندارىنىڭ ۇيلەستىرۋىمەن 4 قازاقستان ازاماتىن ۇستادى. بۇل تۋرالى ۇ ق ك باسپاءسوز قىزمەتى ءمالىم ەتتى.
- ولار تەرروريزمدى ناسيحاتتادى، ەكسترەميستىك ارەكەتكە قاتىستى جانە ۇيىمداستىردى، سونداي- اق جاڭا جاقتاستاردى تارتتى دەگەن كۇدىككە ءىلىنىپ وتىر. ءتىنتۋ بارىسىندا تۇرعىن ۇيلەرىنەن ءدىني ماتەريالدار مەن باسقا دا زاتتاي دالەلدەمەلەر تاركىلەنگەن، - دەلىنگەن كوميتەت حابارلاماسىندا.
قازىرگى ۋاقىتتا قىلمىستىق كودەكستىڭ 256، 259 جانە 405 - باپتارى بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر.
قىلمىستىق- پروتسەستىك كودەكستىڭ 201-بابىنىڭ 1-تارماعىنا سايكەس وزگە اقپارات جاريا ەتۋگە جاتپايدى.
بۇعان دەيىن حابارلانعانداي، تەرروريزمدى ناسيحاتتاعانى ءۇشىن ەكى ازامات 7 جىلعا سوتتالدى.
