استانادا ەكس- ۆيتسە- مينيستر نۇرجان التايەۆقا قاتىستى سوت وتىرىسى ءوتىپ جاتىر

Астанада экс-вице-министр Нұржан Әлтаевқа қатысты сот отырысы өтіп жатыр
Фото: Фото: azh.kz

 استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى بۇگىن، 31-قازاندا نۇرجان التايەۆقا (ەكس- ۆيتسە- مينيستر) قاتىستى ءىس بويىنشا الدىن الا تىڭدالىم باستالعانىن مالىمدەدى، دەپ حابارلايدى Kazinform.

وعان اسا ءىرى مولشەردە اقشا تۇرىندە پارا الدى دەگەن ايىپ تاعىلدى (ق ك 366-بابىنىڭ 4-بولىگى).

ن. التايەۆ 2018 -جىلدىڭ اقپانىنان 2020 -جىلدىڭ شىلدەسىنە دەيىن «اتامەكەن» ۇ ك پ مۇددەلەرى ءۇشىن ءتيىمدى رەسمي شەشىم قابىلداۋعا ىقپالداسىپ، دەلدال ارقىلى ا. مىرزاحمەتوۆتەن پارا رەتىندە جالپى سوماسى 50 ميلليون تەڭگەدەن استام (115 مىڭ ا ق ش دوللارى جانە 8 ميلليون 150 مىڭ تەڭگە) اقشالاي قاراجات الدى دەپ ايىپتالعان.

قىلمىستىق ءىس 15 تومنان تۇرادى، ءىس بويىنشا 18 كۋاگەر وتكەن.

ەسكە سالا كەتەيىك، 7-ماۋسىمدا ءماجىلىستىڭ ەكس- دەپۋتاتى نۇرجان التايەۆ پارا الدى دەگەن كۇدىكپەن ۇستالدى. بۇل اقپاراتتى سىبايلاس جەمقورلىققا قارسى ءىس- قيمىل اگەنتتىگى راستادى.

كەيىنىرەك انتيكور نۇرجان التايەۆتىڭ ابىلاي مىرزاحمەتوۆتەن اي سايىن 5 مىڭ دوللار پارا الىپ وتىرعانىن حابارلادى.

«نۇرجان التايەۆ 2018-2019 -جىلدار ارالىعىندا ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى بولا تۇرا، جۇيەلى تۇردە «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ا. ي. مىرزاحمەتوۆتەن پارا رەتىندە اي سايىن 5000 ا ق ش دوللارى مولشەرىندە اقشا قاراجاتىن الىپ وتىردى دەپ كۇدىكتەنەدى. كەيىننەن التايەۆ 2019-2020 -جىلدار ارالىعىندا ق ر پارلامەنتى ءماجىلىسىنىڭ دەپۋتاتى لاۋازىمىن اتقارا وتىرىپ، مىرزاحمەتوۆتەن پارا الۋ بويىنشا ءوزىنىڭ سىبايلاس جەمقورلىق قىزمەتىن جالعاستىردى. جالپى العاندا، ول پارا رەتىندە 135000 ا ق ش دوللارىن الدى. بۇل اسا ءىرى كولەم بولىپ سانالادى»، - دەپ حابارلادى انتيكور.

سوڭعى جاڭالىقتار