استانادا كۇنىنە 10 مىڭ ادامعا قوڭىراۋ شالعان الاياقتار ۇستالدى
استانا. قازاقپاارت - الاياقتاردىڭ جارتى مىڭعا دەيىن «سيم» ورنالاستىرىلعانى جانە ساعاتىنا جۇزدەگەن حابارلامالار جىبەرگەنى انىقتالدى.استانادا الەۋمەتتىك جەلىدە فەيك-اككاۋنتتار جانە فەيك-نومىرلەر ارقىلى شابۋىل جاسايتىن قىلمىستىق توپ ۇستالدى.
قالا پروكۋراتۋراسىنىڭ حابارلاۋىنشا، الەۋمەتتىك جەلى، ەلەكتروندى مەسسەندجەرلەردەگى اككاۋنتتار زاڭسىز ىسكە قوسىلعان SIM قوراپتار انىقتالدى. ابونەنتتىك نومىرلەردى اۋىستىرۋعا جانە گەوگرافيالىق ورىندى وزگەرتۋگە ارنالعان قۇرىلعىلار تاركىلەندى.
«SIM قوراپتارى كوپتەگەن SIM كارتالارىن ساقتاۋ جانە پايدالانۋ ءۇشىن، ءبىر ۋاقىتتا ونداعان قوڭىراۋ شالۋعا مۇمكىندىك بەرەدى. جارتى مىڭعا دەيىن «سيم» ورنالاستىرىلعانى جانە ساعاتىنا جۇزدەگەن حابارلامالار جىبەرگەنى انىقتالدى. جالپى، تاركىلەنگەن جابدىقتىڭ قۋاتتىلىعى كۇنىنە 10 مىڭنان استام الاياقتىق قوڭىراۋ شالۋعا مۇمكىندىك بەرگەن»، - دەپ حابارلادى استانا پروكۋراتۋراسى.
قازىرگى ۋاقىتتا زارداپ شەككەندەر انىقتالىپ جاتىر.
استانا قالاسىنىڭ پروكۋراتۋراسى الاياق قۇربانى بولماۋ ءۇشىن ءۇشىنشى تۇلعاعا جەكە دەرەكتەردى نەمەسە بانك شوتتارىن بەرۋدەن باس تارتۋ كەرەكتىگىن ەسكەرتەدى.
