استانادا «كۇمىس القا» يەگەرلەرى ساۋدا جاساۋعا جەردى اۋكسيونسىز جالداي الادى

 «1000 ورىن. كوشە ساۋداسى» جوباسى اياسىندا الەۋمەتتىك ساناتتتىڭ 6 تۇرىنە كىرەتىن استانالىقتارعا كوشە ساۋداسىن جاساۋعا ارنالعان جەر تەلىمى تىكەلەي كەلىسىمشارت ارقىلى جالعا بەرىلەدى. بۇل تۋرالى «Astana» الەۋمەتتىك كاسىپكەرلىك كوپوراتسياسى باسقارما ءتوراعاسىنىڭ ورىنباسارى ءدىلمۇرات يمينوۆ وڭىرلىك كوممۋنيكاتسيالار قىزمەتىندە ايتتى، دەپ حابارلايدى Kazinform. 

«كوشە ساۋداسىن جۇرگىزۋگە ارنالعان جەر تەلىمىن نە اۋكسيون ارقىلى، نە تىكەلەي كەلىسىمشارت ارقىلى جالعا الۋعا بولادى.

ەكىنشى جول - الەۋمەتتىك وسال ساناتتاعى ازاماتتارعا ۇسىنىلادى. بۇل توپقا 6 سانات جاتادى. ياعني ولار: ەكىنشى دۇنيەجۇزىلىك سوعىس ارداگەرلەر، مۇگەدەكتىگى بار ادامدى اسىراپ نەمەسە تاربيەلەپ وتىرعان وتباسىلار، ءبىرىنشى جانە ەكىنشى توپتاعى مۇگەدەكتىگى بار تۇلعالار، 6 جانە ودان كوپ قۇرساق كوتەرگەن كوپبالالى انالار، مەملەكەتتىك جانە قوعامدىق قىزمەت جولىندا ءجۇرىپ قايتىس بولعانداردىڭ وتباسىلارى»، - دەدى كورپوراتسيا وكىلى.

سونداي-اق ول اتالعان باعدارلامانىڭ مۇمكىندىكتەرىن «التىن القا» يەگەرلەرىمەن بىرگە «كۇمىس القا» يەگەرلەرى دە پايدالانا الاتىنىن ايتتى.

«ءيا، «كۇمىس القا» يەگەرلەرىنە ونداي ارتىقشىلىق بەرىلگەن. ءبىزدىڭ ەرەجەلەردە، نورماتيۆتىك اكتىلەردە ول بار. ولار تىكەلەي كەلىسىمشارت ارقىلى كوشە ساۋداسىنا ارنالعان جەر تەلىمىن الۋعا حاقىلى» ، - دەدى ءدىلمۇرات يمينوۆا.

اۆتور

ەسىمجان ناقتىباي