استانادا جىگىت تۋىستارىن پىشاقتادى: ءبىر ادام ءولىپ، ۇشەۋى جارالاندى

استانا. KAZINFORM - الەۋمەتتىك جەلىدە تاراعان مالىمەتتى قالالىق پوليتسيا دەپارتامەنتى راستادى.

Астанада жігіт туыстарын пышақтады: Бір адам өліп, үшеуі жараланды
Фото: Артем Викторов/Kazinform

وقيعاعا كۋا بولعانداردىڭ ايتۋىنشا، ۇيدەگى جانجال Free Fire ويىنىنان تۋىنداعان. مۇستافين 21\5 مەكەنجايىنداعى ۇيدە تاڭعى ساعات 4.00 كەزىندە 21 جاستاعى تۇرعىننىڭ تەلەفونىن ۇيدەگى تۋىستارى تارتىپ الادى. سوعان اشۋلانعان جىگىت تۋىستارى ۇيقىعا كەتكەن كەزدە پىشاقپەن شابۋىلداعان. سالدارىنان 1997-جىلعى اعاسى وقيعا ورنىندا جان تاپسىرعان. ال قالعان 3 ادام اۋىر جاراقاتپەن اۋرۋحاناعا تۇسكەن.

استانا قالاسى پوليتسيا دەپارتامەنتى بۇل فاكتىنى راستادى.

- كۇدىكتى 21 جاستاعى استانا تۇرعىنى، ۋاقىتشا ۇستاۋ يزولياتورىنا قامالدى. كىسى ءولتىرۋ بابى بويىنشا قىلمىستىق ءىس قوزعالدى. الدىن الا مالىمەت بويىنشا، جانجالعا تۋىستارىنىڭ جىگىتتىڭ ارەكەتىنە ايتىلعان سىنى سەبەپ بولعان. وقيعانىڭ جاي-جاپسارى انىقتالىپ جاتىر، - دەپ جازىلعان پوليتسيا مالىمەتىندە.

ەسكە سالساق، 13-قاڭتار كۇنى اقتوبەدە كەپىلگە الىنعان ۇيدەن ەكى ادام قايتىس بولعان ەدى.

 

سوڭعى جاڭالىقتار