استانادا جولاۋشىلار اۆتوبۋسى تۇگى قالماي جانىپ كەتتى

استانا. KAZINFORM - استانا قالاسى ت ج د باسپا ءسوز قىزمەتى ءمالىم ەتكەندەي، ءورت كەزىندە اۆتوبۋستا جولاۋشىلار بولماعان.

ەلوردالىق ءورت سوندىرۋشىلەر نۇرا اۋدانى قابانباي باتىر داڭعىلىندا اۆتوبۋستىڭ جانۋىن وقشاۋلاپ، ساعات 14:58 دە تولىعىمەن سوندىرگەن.

- ءورت تولىعىمەن ءسوندىرىلدى. زارداپ شەككەندەر جوق. ناقتىلانعان مالىمەتتەر بويىنشا اۆتوبۋستا جولاۋشىلار بولمادى. ءورتتىڭ سەبەبى انىقتالۋدا. وقيعا ورنىندا 2 تەحنيكا، 10 ادام جۇمىلدىرىلدى، - دەدى استانا قالاسى ت ج د اسقار زابيكۋلين اتىنداعى 6- م ءو س ب باستىعى نۇرسۋلتان وشاقبايەۆ.

ت ج م ازاماتتاردى ساق بولۋعا شاقىرادى.

- جولدا كولىگىڭىز ورتەنىپ باستاسا، كولىكتى دەرەۋ توقتاتىپ، كولىكتەن شىعىپ كەتۋىڭىزدى سۇرايمىز!، - دەپ ەسكەرتتى ۆەدومستۆو.

بۇعان دەيىن حابارلاعانىمىزداي، پاۆلوداردا ورتەنگەن عيماراتتان ادامنىڭ مۇردەسى تابىلدى.