استانادا جۇك كولىكتەرىمەن 60 مىڭ رەيس قار شىعارىلعان

  قىسقى كەزەڭ باسىنان بەرى ەلوردا كوشەلەرىنەن 800 مىڭ تەكشە مەترگە جۋىق قار شىعارىلدى، بۇل شامامەن 60 مىڭ جۇك رەيسىن قۇرايدى، دەپ حابارلايدى استانا اكىمدىگىنىڭ رەسمي سايتى.

دەمالىس كۇندەرى قالىڭ قار جاۋدى.

«قازگيدرومەت» ر م ك مالىمەتىنشە، 31-جەلتوقساندا ەلوردادا قار جاۋىپ، بوران سوعادى، كوكتايعاق بولادى. وڭتۇستىك- باتىستان سوعاتىن جەلدىڭ ەكپىنى 20 م/س، كەي جەرلەردە 28 م/س جەتەدى.

تۇرعىنداردىڭ ىڭعايلى ءجۇرىپ-تۇرۋى ءۇشىن كوممۋنالدىق قىزمەتتەر تاۋلىك بويعى جۇمىس رەجيمىنە كوشتى.

تۇنگى اۋىسىمعا ساعات 18.00 دەن باستاپ استانا كوشەلەرىنە 1000نان استام ارنايى تەحنيكا مەن 300 گە جۋىق جول جۇمىسشىسى شىقتى.

ەلوردادا بىرنەشە جابدىقتالعان قار پوليگوندارى بار. ولار جۇك كولىكتەرىنىڭ نومىرلەرىن وقۋ جۇيەسىمەن جابدىقتالعان. ول جەردە بەينەباقىلاۋ كامەرالارى ورناتىلىپ، جارىقتاندىرۋ قوسىلعان.