استانادا جالعا بەرىلەتىن پاتەرگە يە بولعانداردىڭ ءتىزىمى جاريالاندى
استانا. KAZINFORM - استانادا ساتىپ الۋ قۇقىعىنسىز جالعا بەرىلەتىن تۇرعىن ءۇي يەلەرىنىڭ ءتىزىمى شىقتى.
ءتىزىمدى مىنا سىلتەمەدەن كورۋگە بولادى.
ەلوردالىق تۇرعىن ءۇي ينسپەكتسياسى باسقارماسىنىڭ سايتىندا كوپبالالى وتباسىلار، جەتىم بالالار، اتا- انا قامقورلىعىنسىز قالعان بالالار جانە حالىقتىڭ الەۋمەتتىك وسال توپتارى ساناتتارىنا جالعا بەرىلەتىن باسپانا باعدارلاماسىنىڭ ناتيجەسى جاريالانعان.
ءۇش ساناتتىڭ ءارقايسىسىنداعى تىزىمدەر ەكىگە بولىنەدى: وتكەن جانە وتپەگەن.
حالىقتىڭ الەۋمەتتىك وسال توپتارىنىڭ ساناتتارى ءۇشىن قالعان 76 ءبىر بولمەلى پاتەر بويىنشا ىرىكتەۋ جالعاسىپ جاتىر.
باعدارلاما بويىنشا وتكەن ازاماتتارعا تۇرعىن ءۇي ورتالىعىنىڭ قىزمەتكەرلەرى حابارلاسىپ، ودان ءارى قارايعى ءىس- قيمىلدى تۇسىندىرەدى.
«الاياقتىق جاعدايلارىنىڭ كوبەيۋىنە بايلانىستى تۇرعىنداردان وتە ساق بولۋدى وتىنەمىز» دەيدى اكىمدىكتەن.
ويتكەنى تۇرعىن ءۇي ورتالىعىنىڭ قىزمەتكەرلەرى تەلەفون شالا وتىرىپ، ەشقاشان كرەديت، قارىز وتەۋدى، ءۇي بەرۋ ءۇشىن بۇعاتتى الىپ تاستاۋدى سۇرامايدى.
