استانادا جاۋعان نوسەر جاۋىن سالدارىنان كوشەدە كولىك قوزعالىسى قيىندادى
استانا. KAZINFORM - استانادا 2GIS نوسەر جاڭبىر سالدارىنان 9 بالدىق كەپتەلىس تىركەلدى، دەپ حابارلايدى Kazinform اگەنتتىگىنىڭ ءتىلشىسى.
كارتادا ەلوردا جولدارىندا توعىز بالدىق كەپتەلىس دەڭگەيى كورسەتىلگەن. كولىك قوزعالىسى قابانباي باتىر، سىعاناق، سارايشىق كوشەلەرى، تۇران داڭعىلى جانە باسقا دا باعىتتار بويىنشا قيىنداعان.
بۇدان بولەك، نوسەر جاڭبىردان كەيىن تاكسي باعاسى ايتارلىقتاي قىمباتتادى.
سونداي-اق، جاۋىن-شاشىن سالدارىنان التى ەلەكتر جەلىسىندە اپاتتىق ءۇزىلىس بولدى.
بۇعان دەيىن ەلوردادا نوسەر جاڭبىردان كەيىن 200-گە جۋىق تەحنيكا كوشەلەردەن سۋ ايدايتىنى حابارلانعان بولاتىن. ونىڭ ىشىندە ماشينالار مەن موتوپومپالار بار.
قازگيدرومەت سينوپتيكتەرى ەرتەڭ، 3-تامىزدا ەلوردادا اۋىسپالى بۇلت شىعىپ، وتكىنشى جاڭبىر جاۋادى جانە نايزاعاي وينايدى دەپ بولجام جاسادى.
