استانادا جاڭا كوپ فۋنكتسيونالدى تۋريستىك اۋدان سالىنباق

استانا. KAZINFORM - ەلوردادا اۋقىمدى تۋريستىك اۋدان قۇرۋ جوسپارلانىپ وتىر. ونىڭ ىشىندە قوناقۇيلەر، مەيرامحانا جانە باسقا دا ويىن-ساۋىق ورتالىعى قۇرىلادى.

بۇل تۋرالى «اشىق ن ق ا» پورتالىندا جاريالاندى. ونەركاسىپ جانە قۇرىلىس مينيسترلىگىنىڭ قاۋلىسىندا ايتىلعان.

ۇكىمەتتىڭ «ارنايى ەكونوميكالىق ايماقتاردىڭ كەيبىر ماسەلەلەرى تۋرالى» 2017-جىلعى 24-قاراشاداعى 772-قاۋلىسىنا وزگەرىستەر مەن تولىقتىرۋ ەنگىزىلدى.

«ەلىمىزدەگى ارنايى ەكونوميكالىق ايماقتاردىڭ اۋماعى 846,185 گەكتار جەر. ونىڭ قۇرامىنا اۋدانى 157,585 گەكتاردى قۇرايتىن «كوپ فۋنكتسيونالدى تۋريستىك اۋدان» سۋبايماعى كىرەدى»، - دەلىنگەن قۇجات جوباسىندا.

سونداي-اق، قاۋلىدا الەۋمەتتىك، دەنساۋلىق ساقتاۋ جانە تۋريزم سالاسىنا ينۆەستيتسيالار تارتۋ ارقىلى استانا قالاسىنىڭ جەدەل دامۋىنا مۇمكىندىك بەرەتىنى ايتىلعان.

وسىلايشا «استانا - تەحنوپوليس» ارنايى ەكونوميكالىق ايماعىنىڭ اۋماعىن كەڭەيتۋ كوزدەلىپ وتىر.

قاۋلى جوباسى 12-قاراشاعا دەيىن قوعام تالقىسىنا ۇسىنىلدى.

ەسكە سالا كەتەيىك، بيىل قاڭتاردا استانا قالاسىنىڭ 2035-جىلعا دەيىنگى باس جوسپارى بەكىتىلدى.