استانادا «حاس شەبەر» فەستيۆالى وتەدى
استانا قالاسىنىڭ تۇرعىندارى ءۇشىن 17-19-جەلتوقسان كۇندەرى «حاس شەبەر» فەستيۆالى ۇيىمداستىرىلادى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
استانا قالاسى اكىمدىگىنىڭ قولداۋىمەن فەستيۆال رەسپۋبليكا كوشەسى، 34-مەكەنجايىندا ورنالاسقان «جاستار» سارايىندا ساعات 9:00-دەن 18:00-گە دەيىن وتەدى.
ەلىمىزدە بۇرىن-سوڭدى بولماعان وتاندىق ونىمدەردىڭ بەلگىسىن بىلدىرەتىن قولونەرشىلەر تۋى تىگىلەدى.
قولونەرشىلەر تۋى كينەس رەكوردتار كىتابىنا ەنگىزىلەدى.
فەستيۆالدىڭ درەسس-كودى - ۇلتتىق كيىم. فەستيۆال بارىسىندا كورمە-جارمەڭكە ۇيىمداستىرىلادى.
جارمەڭكەدەن تۇسكەن قارجىنىڭ 10 پايىزى قارتتار ۇيىنە جۇمسالادى. سونىمەن قاتار قولونەرشىلەر جۇرتشىلىققا ارناپ ماستەر-كلاسس وتكىزەدى، سول سياقتى قازاق حالقىنىڭ ۇمىت بولعان سالت-داستۇرلەرى جانە قىزىقتى ويىندار ۇيىمداستىرىلادى.
