استانادا ش ى ۇ ەلدەرىنىڭ ەنەرگەتيكا مينيسترلەرى كەزدەسەدى

 استانا. KAZINFORM - سىرتىق ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆونىڭ باسپا ءسوز ءماسليحاتىندا استانادا شانحاي ىنتىماقتاستىق ۇيىمىنا مۇشە ەلدەر مينيسترلەرىنىڭ بىرنەشە كەزدەسۋى وتەتىنىن ايتتى.

ШОС ШЫҰ
Фото: Солтан Жексенбеков/ Kazinform

«21-ماۋسىمدا استانادا شانحاي ىنتىماقتاستىق ۇيىمىنا مۇشە مەملەكەتتەرىنىڭ ەنەرگەتيكا مينيسترلەرىنىڭ كەزدەسۋى وتەدى. ەنەرگەتيكا ۆەدومستۆولارىنىڭ باسشىلارى قازاقستاننىڭ باستاماسىمەن ازىرلەنگەن ش ى ۇ- عا مۇشە مەملەكەتتەردىڭ ىنتىماقتاستىعىن دامىتۋدىڭ 2030 -جىلعا دەيىنگى كەزەڭگە ارنالعان ستراتەگياسىن قاراستىرىپ بەكىتەدى»، - دەدى مينيسترلىكتىڭ رەسمي وكىلى.

ونىڭ ايتۋىنشا، كەزدەسۋ اياسىندا دەلەگاتسيا باسشىلارى ەنەرگەتيكالىق ىنتىماقتاستىقتى ش ى ۇ فورماتىندا دامىتۋدىڭ ستراتەگيالىق تاسىلدەرىن تالقىلايدى.

سونداي- اق، ايبەك سمادياروۆ 20-ماۋسىمدا ش ى ۇ- عا مۇشە مەملەكەتتەردىڭ عىلىم جانە تەحنيكا ۆەدومستۆولارى باسشىلارىنىڭ، كولىك مينيسترلەرىنىڭ ونلاين بەينەكونفەرەنتسيا فورماتىنداعى كەزدەسۋلەرى وتكىزىلەتىنىن ايتتى. بۇل ەكى ءىس- شارا دا قازاقستان باستاماسىمەن ۇيىمداستىرىلماق.

سوڭعى جاڭالىقتار