استانادا دروندار شوۋىن 100 مىڭنان استام ادام تاماشالادى

استانا. KAZINFORM - ەلوردا كۇنىنە وراي قالا تۇرعىندارى مەن قوناقتارى ءۇشىن اسپاندا درونداردىڭ بىرەگەي شوۋى ۇيىمداستىرىلدى، دەپ حابارلايدى استانا اكىمدىگىنىڭ رەسمي سايتى.

6-شىلدەدە ەكسپو اۋماعىندا «Open Air» مەرەكەلىك كونسەرتىنەن كەيىن «ASPAN» جارىق درون-شوۋى ءوتتى.

دروندار تۇنگى اسپاندا تومەندەگىدەي بەينەلەردى كورسەتتى:

جەر پلانەتاسى
قازاقستان كارتاسى
شاڭىراق
زىمىران جانە ساتۋرن
بايتەرەك
«تازا قازاقستان»
قازاقستان تۋى
جۇرەك جانە استانا

دروندار شوۋى ءۇشىن اسپانعا 1250 -جىلدامدىقتى راديومەن باسقارىلاتىن اپپارات ۇشىرىلدى، ونىڭ 70 ى - پيروتەحنيكالىق دروندار. بۇل - درون سيمبيوزى مەن پيروتەحنيكانىڭ جاڭا تەحنولوگياسى. بارلىق كورنەكى اسەر قازاق جانە شەتەلدىك كومپوزيتورلاردىڭ مۋزىكاسىمەن ۇندەستىرىلدى.

ايتا كەتۋ كەرەك، 100 مىڭنان استام ادام «Open Air» مەرەكەلىك كونسەرتىنە جانە دروندار شوۋىنا قاتىستى. ءتۇرلى-ءتۇستى جارىق شوۋى دەمەۋشىلىك قاراجات ەسەبىنەن ۇيىمداستىرىلعان.

اشىق اسپان استىنداعى مەرەكەلىك كونسەرتتە وتاندىق ەسترادا جۇلدىزدارى Ninety one ،Orda ،Raim ،Sadraddin ،Kalifarniya  ،Nazima ،Alpha T ' Oi ،Imzi قۇرماش ماحان، Jazzdauren جانە باسقا دا ارتىستەر ونەر كورسەتتى.

سونىمەن قاتار 7-شىلدەدە ەكسپو الاڭىندا دومبىرا كۇنىنە ارنالعان مەرەكەلىك شوۋ- كونتسەرت وتەدى. كەش قوناقتارى: «قورقىت» ەتنو- فولكلورلىق انسامبلى، «Made in KZ» توبى، يبراگيم ەسكەندىر جانە «التىن دومبىرا» بالالار شىعارماشىلىق ورتالىعى، «Assyl» توبى، Kalifarniya ،Qanay، اقتوتى بولشوۆا جانە باسقا دا ارتىستەر.

اۆتور
ايدار وسپاناليەۆ