استانادا ءتۇن ىشىندە كولىك ۇرلاعان ايەل ۇستالدى
استانا. KAZINFORM - استانادا ءتۇن ىشىندە كولىك ۇرلاعان ايەل ۇستالدى، دەپ حابارلايدى El.kz اقپارات اگەنتتىگى.
پوليتسيا باسقارماسىنا قالا تۇرعىنىنان Seat Toleda ماركالى كولىگى ۇرلانعانى جونىندە ارىز كەلگەن. بەلگىلى بولعانداي، ەر ادام كولىگىن جاقىن ماڭداعى اۋلاعا قويعان، ءبىراق كىلتىن قالدىرىپ كەتىپتى.
ەلوردالىق پوليتسيانىڭ جەكە قۇرامى ۇرلانعان كولىكتى ىزدەۋگە جانە ۇرىنى ۇستاۋعا جۇمىلدىرىلدى. جەدەل ىزدەستىرۋ ءىس-شارالارىن جۇرگىزۋ كەزىندە پوليتسەيلەر وقيعاعا ەلوردانىڭ 32 جاستاعى تۇرعىنىنىڭ قاتىسى بارىن انىقتادى. بەينەباقىلاۋ كامەرالارىن قاراۋ ارقىلى پوليتسەيلەر ۇرىنىڭ ىزىنە ءتۇستى. كولىك كراۆتسوۆا كوشەسىندەگى ايالداما ماڭىنان تابىلدى، - دەپ جازىلعان حابارلامادا.
وقيعاعا قاتىستى قىلمىستىق ءىس قوزعالدى. پوليتسيا ازاماتتارعا كولىكتەن شىققان كەزدە قىراعى بولۋعا، ەسىكتەر مەن تەرەزەلەردى جاۋىپ، كولىكتە كىلتتى قالدىرماۋعا كەڭەس بەرەدى.
