22:50, 13 - جەلتوقسان 2023 | GMT +5
استانادا ءبىرىنشى اۋىسىم وقۋشىلارى قاشىقتان وقيدى
اۋا رايىنا بايلانىستى ءبىرىنشى اۋىسىمنىڭ 0-9- سىنىپ وقۋشىلارى قاشىقتان وقىتۋ فورماتىندا قالادى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
«اۋا رايىنىڭ ناشارلاۋىنا بايلانىستى 2023-جىلدىڭ 14- جەلتوقسانى كۇنى ءبىرىنشى اۋىسىمنىڭ 0-9- سىنىپ وقۋشىلارى قاشىقتان وقىتۋ فورماتىنا كوشەدى»، - دەپ حابارلادى ەلوردالىق ءبىلىم باسقارماسى.
«قازگيدرومەت» ر م ك دەرەكتەرى بويىنشا، 14- جەلتوقسان كۇنى استانادا اۋا تەمپەراتۋراسى 25 گرادۋسقا دەيىن تومەندەيدى دەپ كۇتىلىپ وتىر.
ەلوردادا اپتانىڭ باسىنان باستاپ قاتتى اياز ورناپ تۇر.
قالا تۇرعىندارىنا قاۋىپسىزدىك ەرەجەلەرىن ساقتاۋ جانە كوشەدە ۇزاق ۋاقىت بولماۋ قاجەت ەكەنىن ەسكەرتەمىز.
