استانادا بەيجىڭ ءتىل جانە مادەنيەت ۋنيۆەرسيتەتىنىڭ فيليالى اشىلادى
استانا. KAZINFORM - قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ بەيجىڭ ءتىل جانە مادەنيەت ۋنيۆەرسيتەتىنىڭ فيليالىن اشۋ جوسپارى تۋرالى ايتتى.
«ءوزارا ۆيزاسىز رەجيم مەن قىتايداعى قازاقستان تۋريزمى جىلى تۋريستىك اعىمنىڭ وسۋىنە سەرپىن بەرەتىنىنە سەنىمدىمىن. بيىل استانادا بەيجىڭ ءتىل جانە مادەنيەت ۋنيۆەرسيتەتىنىڭ فيليالىن اشۋ جوسپارىن قۇپتايمىز. سونىمەن قاتار، قازاقستاندا قىتايدىڭ وزىق تەحنيكالىق جوعارى وقۋ ورىندارىنىڭ باسقا دا فيليالدارىن اشۋعا مۇددەلىمىز. كورىپ وتىرعانىمىزداي، قازاقستان- قىتاي قارىم-قاتىناسىنىڭ ۆەكتورى تاتۋ كورشىلىك پەن ءوزارا سىيلاستىق رۋحىندا قارقىندى ءوسۋدى كورسەتىپ وتىر»، - دەدى مۇرات نۇرتىلەۋوۆ قىتايلىق ارىپتەسىن قارسى الا وتىرىپ.
ايتا كەتەيىك، بۇگىن قىتاي حالىق رەسپۋبليكاسىنىڭ سىرتقى ىستەر ءمينيسترى ۋاڭ ي قازاقستانعا رەسمي ساپارمەن كەلدى.
ساپار اياسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋمەن شاعىن جانە كەڭەيتىلگەن قۇرامداعى كەلىسسوزدەر ءجۇرىپ جاتىر.
