استانادا بوران تۇتەپ تۇر: وبلىستاعى تراسسالار جابىلدى
استانا. قازاقپارات - 10- ناۋرىزدا قازگيدرومەت ەلدىڭ ءبىرقاتار وڭىرىندە، سونىڭ ىشىندە استانا مەن اقمولا وبلىسىندا دا داۋىلدى ەسكەرتۋ جاريالاعان ەدى
استانادا بوران سوعىپ تۇر. قازگيدرومەت قازاقستاننىڭ ءبىرقاتار وڭىرىندە، سونىڭ ىشىندە استانا مەن اقمولا وبلىسىندا دا داۋىلدى ەسكەرتۋ جاريالاعان ەدى.
قازگيدرومەتتىڭ حابارلاۋىنشا، بۇگىن 10- ناۋرىزدا استانادا قار، بوران، كوكتايعاق بولادى. سونداي- اق وڭتۇستىك- باتىس جەلدىڭ ەكپىنى سەكۋندىنا 15-20 مەتر، كەيدە سەكۋندىنا 23 مەتر جەتەدى.
قولايسىز اۋا رايى اقمولا وبلىسىنا دا اسەر ەتتى. سينوپتيكتەر بۇعان دەيىن اقمولا وبلىسىندا قار، بوران، كوكتايعاق بولاتىنىن ەسكەرتكەن بولاتىن. وبلىستىڭ باتىسىندا، سولتۇستىگىندە تۇمان بولادى. جەل وڭتۇستىك- باتىس، وبلىستىڭ باتىسىندا، وڭتۇستىگىندە، شىعىسىندا ەكپىنى سەكۋندىنا 15-20 مەتر، كەيدە سەكۋندىنا 23-28 مەترگە دەيىن جەتپەك. كوكشەتاۋدا جولداردا كوكتايعاق بولادى دەپ كۇتىلۋدە.
استانادا اۋا رايىنىڭ ناشارلاۋىنا بايلانىستى قالا ماڭىنداعى باعىتتاردىڭ قوزعالىسى ۋاقىتشا توقتاتىلدى.
ولاردىڭ ىشىندە Nº310 مارشرۋتتارى بار، 315، 316، 317، 327، 328، 329.
«قازاۆتوجول» مالىمەتتەرى بويىنشا، اقمولا وبلىسىنىڭ تراسسالارىندا اۋا رايىنىڭ ناشارلاۋىنا بايلانىستى اۆتوكولىكتىڭ بارلىق تۇرلەرى ءۇشىن قوزعالىس شەكتەلگەن:
اقمولا وبلىسىندا «استانا- ەرەيمەنتاۋ- شىدەرتى» اۆتوجولىنىڭ 16-200 شاقىرىم ارالىعى (استانا قالاسى- پاۆلودار وبلىسى شەكاراسى)؛
- «استانا- پەتروپاۆلوۆسك» اۆتوجولىنىڭ 18-232 شاقىرىم ارالىعىنداعى ۋچاسكەcىندە (استانا قالاسى — شۋچينسك قالاسى)؛
اقمولا وبلىسى: - «استانا- قابانباي باتىر- نۇرا- تەمىرتاۋ» اۆتوجولىنىڭ 35-51 شاقىرىم ارالىعى (قابانباي باتىر اۋىلى - قاراعاندى وبلىسى شەكاراسى)؛
قاراعاندى وبلىسى: - «استانا- قابانباي باتىر- نۇرا- تەمىرتاۋ» اۆتوجولىنىڭ 51-266 شاقىرىم ارالىعى (اقمولا وبلىسى شەكاراسى- تەمىرتاۋ قالاسى)؛
جولدى 2025 -جىلعى 10- ناۋرىز ساعات 20:00 دە اشۋ جوسپارلانعان.
