استانادا بوكستان ءوتىپ جاتقان ازيا چەمپيوناتىندا تاريحي وقيعا بولدى

бокс
Фото: sport.kz

 استانا. KAZINFORM - اۋعانستاندىق بوكسشى 1995 -جىلدان بەرى العاش رەت ازيا چەمپيوناتىنىڭ فينالىنا جەتتى، دەپ حابارلايدى Sports.kz.

وقيعا استانادا ءوتىپ جاتقان قۇرلىقتىق جاستار بىرىنشىلىگىندە بولدى. جارىستا 22 جاسقا دەيىنگى سپورتشىلار اراسىندا 80 كەلىگە دەيىنگى سالماق بويىنشا جارتىلاي فينالدا جۇدىرىقتاسقان كايس اليزادا تورەشىلەردىڭ جەكە شەشىمدەرى بويىنشا، ءۇندىستاندىق بوكسشى سينگحا دحرۋۆانى 3:2 ەسەبىمەن جەڭدى. فينالدا اليزادا التىن مەدال ءۇشىن قازاقستاندىق ەراسىل جاقپەكوۆپەن جەكپە- جەككە شىعادى. ەراسىل الدىندا وزبەكستاندىق فازليددين ەركينبويەۆتى 4:1 ەسەبىمەن جەڭگەن بولاتىن.

اۋعانستاننىڭ ازيا چەمپيوناتىنداعى وسىعان دەيىنگى جەتىستىگىنە كەلەتىن بولساق، 1995 -جىلى ەرەسەكتەر اراسىنداعى جارىستا دجاۆيد امان التىن مەدال ءۇشىن بولاشاق وليمپيادا چەمپيونى، قازاقستاندىق ەرماحان يبرايموۆپەن شىعىپ، جەڭىلىپ قالعان بولاتىن.

سوڭعى جاڭالىقتار