17:10, 02 - قىركۇيەك 2024 | GMT +6
استانادا بەلگىسىز ەر ادام مەشىتكە كەلۋشىلەرگە پىشاق الا جۇگىرگەن
استانا. KAZINFORM - الەۋمەتتىك جەلىدە ەر ادامنىڭ ەلورداداعى مەشىتكە كەلۋشىلەردى پىشاقپەن قورقىتقان ۆيدەوسى تارادى.
«102 ارناسىنا قالا مەشىتتەرىنىڭ بىرىندە بەلگىسىز ادام كەلۋشىلەرگە قاۋىپ توندىرگەنى تۋرالى حابارلاما كەلىپ ءتۇستى. وقيعا ورنىنا دەرەۋ پوليتسيا جاساعى كەلدى. 36 جاستاعى كۇدىكتى جەدەل تۇردە ۇستالىپ، پوليتسيا بولىمىنە جەتكىزىلدى. ودان قولدان جاسالعان پىشاق تاركىلەندى»، - دەلىنگەن ەلوردا پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.
ءتارتىپ ساقشىلارى تەكسەرۋ بارىسىندا ۇستالعان ادامنىڭ 2006 -جىلدان باستاپ پسيحونيەۆرولوگيالىق ديسپانسەردە ەسەپتە تۇرعانىن انىقتاعان.
«اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا بولعان وقيعانىڭ بارلىق ءمان- جايىنا جان-جاقتى تەكسەرۋ جۇرگىزىلۋدە»، - دەيدى ۆەدومستۆودان.
