استانادا بالاباقشاعا قابىلداۋ 4-ماۋسىمدا باستالادى

  استانا. KAZINFORM - استانا قالاسىندا 4-ماۋسىمنان باستاپ جاڭا 2024-2025 وقۋ جىلىنا مەملەكەتتىك جانە جەكەمەنشىك مەكتەپكە دەيىنگى ۇيىمداردا توپتارعا جوسپارلى قابىلداۋ باستالادى. بۇل تۋرالى ەلوردا اكىمدىگىنىڭ رەسمي سايتى جازدى.

اكىمدىكتىڭ مالىمەتىنشە، بيىل بالاباقشالاردا 28826 ورىن اشۋ جوسپارلانعان.

اتاپ ايتساق، بالا جاسىنا بايلانىستى بوس ورىندار تىزبەسىن تومەندەگىدەي.

- 1-2 جاسقا - 147 ورىن؛

- 2 - 3 جاسقا - 8397 ورىن؛

- 3 - 4 جاسقا - 8253 ورىن؛

- 4 - 5 جاسقا - 6645 ورىن؛

- 5 - 6 جاسقا - 5350 ورىن؛

- 6 - 7 جاسقا - 34 ورىن.

وسى جىلدىڭ 2-مامىرىنان باستاپ بارلىق مەملەكەتتىك بالاباقشالاردا ساعات 8.00 دەن 18.00 گە دەيىن اتا- انالارعا كەڭەس بەرۋ ورتالىقتارى ۇيىمداستىرىلدى.