استانادا اۋىر قىلمىس جاساعان كريميناليتەت وكىلدەرى ۇستالدى
استانا. KAZINFORM - ەلوردالىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى قىلمىستىق توپتى ۇستادى، دەپ حابارلايدى Polisia.kz
ونىڭ قۇرامىندا بىرنەشە رەت سوتتالعان كريميناليتەت وكىلدەرى بار. ولار ءبىرقاتار اۋىر قىلمىس جاسادى دەپ كۇدىككە ءىلىندى.
- ەپيزودتاردىڭ بىرىندە قورقىتۋ جانە زورلىق-زومبىلىق قولدانۋ ارقىلى جەرگىلىكتى تۇرعىننان 5 ميلليون تەڭگە سوماسىندا قاراجات جانە تويوتا ماركالى جول تالعامايتىن كولىكتى يەمدەنگەن. باسقا جاعدايدا بانكتەردىڭ ءبىرىنىڭ ىرگەلەس اۋماعىندا ولار 6 ميلليون تەڭگەنى اشىق تۇردە توناپ كەتكەن. قىلمىستىق توپتىڭ بارلىق قاتىسۋشىلارى قاماۋعا الىندى. ولاردىڭ باسقا دا وسىعان ۇقساس قىلمىستىق قۇقىق بۇزۋشىلىقتارعا قاتىستىلىعىن تەكسەرۋ جۇزەگە اسىرىلۋدا. سوتقا دەيىنگى تەرگەپ-تەكسەرۋ الدىن الا ءسوز بايلاسۋ ارقىلى ادامدار توبى جاساعان بوپسالاۋ جانە توناۋ فاكتىلەرى بويىنشا جۇرگىزىلۋدە، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
وسىعان دەيىن حابارلانعانداي، الماتىدا كاسىپكەرلەرگە قىسىم كورسەتكەن كريميناليتەت وكىلدەرى ۇستالدى.
