استانادا ارزان باعاعا جيھاز ساتىپ الماق بولعان تۇرعىن كۇتپەگەن جايتقا تاپ بولدى

استانا. قازاقپارات - استانادا ارزان باعاعا جيھاز ساتىپ الماق بولعان تۇرعىن اقشاسىنان ايىرىلىپ قالدى، - دەپ حابارلايدى Polisia.kz.

ەلوردا تۇرعىنى جيھاز ساتىپ الۋ ماقساتىندا كۇدىكتى جۇمىس ىستەيتىن جيھاز دۇكەنىنە كەڭەس الۋ ءۇشىن بارعان. كەڭەس بارىسىندا ول ەر ادامعا ارزان باعاعا جيھاز ساتىپ الۋدى ۇسىندى.

دۇكەن ساتۋشىسى 1 ميلليون 455 مىڭ تەڭگە كولەمىندەگى قاراجاتتى العاننان كەيىن ساتىپ الۋشىمەن بايلانىسىن توقتاتقانى انىقتالدى. كەيىننەن بوتەن اقشانى جىمقىرعان سوڭ، ول جيھاز دۇكەنىندەگى جۇمىسىن تاستاپ كەتكەن.

الماتى اۋدانى پ ب قىزمەتكەرلەرىنىڭ جەدەل-ىزدەستىرۋ جۇمىستارىنىڭ ناتيجەسىندە 27 جاستاعى كۇدىكتى انىقتالدى. اتالعان فاكتى بويىنشا قىلمىستىق ءىس قوزعالدى. ونىڭ باسقا دا قىلمىستارعا قاتىستىلىعى تەكسەرىلىپ جاتىر.